Copat e satelitëve mijëra vite do të sillen rreth Tokës

Shefi i Shërbimit të Kontrollit të misioneve kozmike ruse, Vladimir Solovjov, deklaroi se gërmadhat e satelitit rus dhe amerikan që u përplasën në orbitë, mund të sillen rreth Tokës edhe gjatë 10 mijë viteve.

Sipas tij, kolizioni ndodhi në orbitën që e shfrytëzojnë edhe shumë kombe të tjera. Kështu edhe pjesët më të vogla të gërmadhave paraqesin kërcënim për satelitët dhe fluturaket e tjera kozmike të punuara nga legura më të lehta. Ndonëse nuk është e qartë se në sa copë u shkatërruan satelitët, ekspertët kozmik konsiderojnë se bëhet fjalë për shumë qindra pjesë.