ZBULIMET E SË ARDHMES

Ne jetojmë në një kohë kur zbulimet teknologjike duket të mos kenë kufi. Nuk kalon as një ditë e vetme pa u zbuluar ndonjë pajisje e re teknologjike ose teknologji e re dhe pa u aplikuar në jetën tonë të përditshme. Sidoqoftë, në të gjithë imazhin frikësues të zbulimeve teknologjike, disa nga ato ide janë zbulime me rëndësi të madhe që kanë potencial për ta revolucionarizuar rrugën se si ne njerëzit do të bashkëveprojmë në të ardhmen me tokën dhe me njëri-tjetrin.

Hidro-energji nga oqeani
Gjer më tani, Hidro-energjia në të shumtën e rasteve është prodhuar në penda. Tani në mbarë botën janë duke u dizajnuar turbina që mundësojnë shfrytëzimin e energjisë së oqeanit. Kompania “Blue Energy Canada” është shumë afër komercializimit të turbinave që tërheqin energjinë nga rrymat e oqeanit dhe tani më ka bërë marrëveshje energjetike në Indi, Indonezi dhe Zelandë të Re. Me një palë turbina pluskuese në madhësi të atyre të tuneleve, kompania skoceze “Pelamis Wave Power” është duke shndërruar energjinë e valëve të bregdetit të Skocisë në energji elektrike.

Pajisje mjekësore të minimizuara
Vizitat e shtrenjta tek mjeku do të zëvendësohen nga pajisjet të cilat vendosen në trup për të përcaktuar diagnozën e madje edhe t’i alarmojë mjekët për problemet me pacientët e tyre. Hulumtuesit në Holandë thonë që kanë krijuar një tabletë që mund të mbushet me ilaç dhe të programohet për të udhëtuar në pjesët e veçanta të trupit për ta shkarkuar barin (ilaçin) në vendin e programuar. Universiteti i Teksasit është duke krijuar një pajisje me madhësi të një lapsi, e cila mund të detektojë kancerin e lëkurës pa pasur nevojë për biopsi.

Shtypja 3D
Ndonëse 3D – në të cilin objektet tredimensionale krijohen duke palosur ose lidhur pjesë të njëpasnjëshme, të kryqëzuara të materialit – ka ekzistuar për një kohë shumë të gjatë, ai po bëhet më i lirë për tu blerë, i cili në vete do të lirojë një mori të zbulimeve dhe aplikimeve të reja, duke kaluar përtej prototipave dhe modeleve të gjertanishme. Shkencëtarët kanë eksperimentuar duke përdorur teknologjinë për të rindërtuar indet njerëzore.

Informatikë “Nanotech”
Kohëve të fundit, në Çikago, dy ekipe të ndara kanë bërë një zbulim të madh që në masë të madhe zvogëlon madhësinë e aparaturave elektronike. Transistori i ri i njërit prej këtyre ekipeve i bën procesorët që ndërtojnë çipe nga silici të duken gjigante. Ekipi tjetër zbuloi material filmik që mund të regjistrojë filma sa 250 DVD në një hapësirë të një monedhe.

Kurë (ilaç) për kancer
Në këtë drejtim janë duke u bërë përparime të mëdha, të cilat një ditë do të mund të zhdukin kancerin, sidën, tumorin në tru, kancerin në prostatë dhe sëmundje të tjera të ngjashme. Mjekësia e bazuar në Teknologjia “Nano” ofron një furnizim më të qëlluar të qelizave se sa kimioterapia ose tretmanët e tjerë, që do të thotë se mjekët mund të zvogëlojnë dozat për të minimizuar efektet anësore.

Të mësosh të “ndjesh forcën”
Lodrat e reja do të kthehen në vitet e 80-ta, kur shkenca dhe matematika drejtoi vitrinat e dyqaneve, mirëpo ato do të kenë një hije të së ardhmes. Lodra e avancuar “Star Wars ‘Force Trainer’”, e cila do të del në treg në korrik të këtij viti, matë valët e trurit të fëmijës. Fëmija pastaj koncentrohet të kontrollojë topin në gyp.

Fuqi trupore
Studiuesit janë duke zbuluar mënyra të reja për të ridrejtuar energjinë natyrale të trupit tek pajisjet elektrike. Shkencëtarët në laboratorin “Berkly” të Departamentit të Energjisë (Amerikë) lajmëruan zbulime të mëdha tek konvertuesit e bazuar në telin “nano” (nano = 1/1.000.000.000 e metrit) nga silici që mund të lejojë dikë të mbush një telefon me nxehtësi trupore ose të mbush një iPod përmes ecjes.

Sistemet urbane transite të përmirësuara
Në qytetet si Çikago, teknologjia mundëson udhëtarët që të gjurmojnë autobusët të pajisur me gaz natyral. Kompanitë të cilat ndajnë (japin me qira) veturat si “Zipcar” dhe “IGo” (IGOI) janë duke u zhvilluar me vrull e madje edhe shërbimet për të ndarë biçikletat janë duke u bërë të popullarizuara. Qytetet evropiane tani më kanë pasur sukses në krijimin e rrjeteve të veturave, biçikletave dhe trenave që nuk dëmtojnë ambientin, në mënyrë që qytetarët t’i ndajnë ato, mirëpo pjesë të tjera të botës janë pak mbrapa. Mirëpo edhe kjo shumë shpejtë do të ndryshojë.

Kurë (ilaç) për sëmundjen e Alzheimer-it
Medikamentet “Biotech” (biologjiko-teknologjike) të cilat prodhohen nga qelizat e gjalla, ofrojnë disa nga përpjekjet më të mira për shërimin e sëmundjeve si diabeti, sëmundja e Alzheimer-it, ajo e Parkinson-it dhe virusi HIV. Kohëve të fundit, Administrata e Ushqimit dhe e Medikamenteve (të Amerikës) aprovoi një medikament të prodhuar nga materiali “biotech” i dhive që trajton pacientët me një çrregullim të rrallë të bllokimit të enëve të gjakut. Në një raport të bërë nga Zbulimet Farmaceutike dhe Prodhuesit e Amerikës nga fundi i 2008-ës, u theksua që është duke u punuar në 633 medikamente nga materialet bioteknologjike.

Bateritë e mbushura mirë
Me miliona dollarë janë duke u derdhur në kërkime për të krijuar baterinë e ardhshme të mrekullueshme teknologjike. Atëherë kur turbinat e erës të mos rrotullohen më, automjetet elektrike, pajisjet e dorës, pajisjet shtëpiake dhe sistemet përforcuese do të mbushen më shumë por për më pak herë se më parë.