Yorke formon grup të ri

Frontmeni i grupit "Radiohead", Thom Yorke, ka zbuluar planet për një turne me një grup të ri, pjesë e të cilit do të jetë edhe basisti i grupit "Red Hot Chili Peppers", Flea.
Rokeri ka rekrutuar katër muzikantë tjerë për të formuar një grup të cilit ende nuk ia ka vënë emrin, ndërsa grupi do ta mbështesë teksa do të këndojë live këngët nga albumi i tij solo nga viti 2006, “The Eraser”.

“Dy javët e kaluara kam mbledhur një grup për t’u argëtuar duke kënduar këngët nga ‘Eraser’ dhe këngë të reja etj... të shoh nëse mund të ketë sukses!”, ka thënë këngëtari duke zbuluar një foto me anëtarët e grupit: Joey Waronker, Mauro Refosco, Flea dhe Nigel Godrich.