Ënderrat lucide dhe pervoja jashte trupore....!

vetmi realitet që ekziston për njeriun në ëndërrat e zakonshme është ajo botë imagjinare - ëndërra. Për dallim nga kjo, te ëndërrat e quajtura "LUCIDE" përveq realitetit ëndërr, eksiston edhe realiteti tjetër - bota e vërtetë e njeriut, e që kjo bëhet e mundshme kur njeriu është i vetëdijshëm edhepse ndodhet në gjumë.


ËNDRAT LUCIDE

Enderrat lucide Gjatë ëndërrës së zakonshme njeriu nuk është i vetëdijshëm se ndodhet në ëndërr, në një realitet imagjinar që arrihet kur thellësishtë relaksohet trupi. Për të ëndërra është i vetmi realitet, që do të thotë se në atë gjendje njeriu nuk është i vetëdijshëm për jetën e vetë në këtë realitet. Pra i vetmi realitet që ekziston për njeriun në ëndërrat e zakonshme është ajo botë imagjinare - ëndërra. Për dallim nga kjo, te ëndërrat e quajtura "LUCIDE" përveq realitetit ëndër eksiston edhe realiteti tjetër - bota e vërtetë e njeriut, e që kjo bëhet e mundshme kur njeriu është i vetëdijshëm edhepse ndodhet në gjumë. Pra ai e dinë se ndodhet në gjumë - ëndërr.
Te ëndërrat e zakonshme njeriu nuk është në gjendje të bëjë asgjë përveq që në mënyrë pasive ta përjetoj ngjarjen "sikurse në ndonjë film" që e përjeton ngjarjen me emocione. Mirëpo, paramendoni sikur ju të mund ta kontrollonit atë film dhe të shëtiteni edhe nëpër pjesët tjera të skenës, që në ekran nuk duken! Nëse mund të paramendoni këtë, atëherë do të keni më të kjartë se ç'ka janë ëndrat lucide. Me fjalë tjera ëndërra lucide është "ëndërrimi i vetëdijshëm", dhe pikërisht ajo mundësi që ëndërra të kontrollohet nga personi që e sheh atë. Gjatë ëndërrave lucide, ju mund të merrni pjesë aktivisht në ngjarjet dhe t'i formësoni ato apo t'i krijoni në njëfarë mënyre. Për herë të parë termin "Ëndërr lucide" e përdori psikologu Holandez - Frederik van Eeden, termin ky me të cilin e emërtoi ëndërrat e tija në të cilat kishte një dozë të caktar të kontrollit.

Në varësi nga individët, me anë të ushtrimeve mund të arrihet me sukses për disa muaj që të përjetoni ëndërra lucide. Ndoshta tashmë edhe keni përjetuar ndonjë herë ëndërr lucide spontanisht!? A keni patur ndonjë ëndërr në të cilën sadopak keni pas një dozë të vetëdijes? P.sh., keni ëndërruar dhe e keni ditur se jeni në ëndërr, dhe se përveq saj eksiston edhe realiteti jashtë saj.. etj.
Në pyetjen, pse të arrihet një ëndërr e tillë, ne nuk mund t'ju përgjigjemi. Pse-në duhet vet ju të dini. Ne këtu më tepër do të merremi me metodën si të arrihet ajo. Natyrisht, ata që ia kanë aritur të kenë një vetëdije të caktuar në ëndërr, pra të përjetojnë ëndërr lucide, shumë më letë mund të arrijnë projeksionin astral apo madje edhe gjendje e quajtur autohipnoza. Të gjitha janë këto përjetime pak a shumë të ngjashme por që megjithatë dallohen mes vete dhe kanë të bëjnë me një përvojë të quajtur "përvoja jashtë trupit" dhe të gjitha shpiejnë drejt komunikimit më të mirë të vetëdijes me ndërdijen për të arritur njohuri më të mëdha mbi shumëçka në jetë. Për gjitha këto do të shkruajmë së shpejti në faqet e Mjellmës, ndërsa tash le t'i kthehemi ëndrave lucide.
Shumë ëndërra nuk mbahen në mend. Këtu është dhe problemi edhe me ëndërrat lucide. Ju mund t'i arrini ato spontanisht apo me ushtrime, por si të mbahen mend? Shumë mjeshtër, për këtë dukuri, preferojnë që së pari vëmendjen në ushtrimet tuaja t'i kushtoni ëndërrave të zakonshme dhe mëpastaj të filloni me ëndërrat lucide. E për t'i mbajtur mend ato hapi i parë do të duhej të ishte Ditari i ëndërrave.

Hapi i parë - Ditari i ëndërrave

Që të arrini të vendosni një dozët ë vetëdijes në ëndërrat tuaja, unë ju propozoj ta mbani një fletore dhe laps nën jastëk. Në fillim, ndoshta disa ëndërra të para do të duhet t'i regjistroni pak më detalisht, mirëpo më vonë kjo nuk do të jetë e nevojshme. Pse ju them nën jastëk? Ngase qëllimi është që menjëherë sa të zgjoheni ta regjistroni ëndërrën tuaj. Me kalimin e kohës ëndërra harrohet, kështu që pas një ore mund të ndodh ta harroni madje edhe gjzsmën e ëndërrës, ndërsa brenda ditës, vështirë se do t'ju kujtohet më tepër se 10% e përmbajtjes së ëndërrës. Është shumë me rëndësi të mbahen mend detajet, dhe të shkruhen, p.sh; kush ishte në ëndër, çka ka ndodhur, çka keni folur, si jeni ndier, ku keni qenë etj. Pra si po e vëreni, duhet t'i përgjigjeni pesë pyetjeve të cilët i përdorin gazetarët: KUSH? KU? PSE? ÇKA? SI? Dhe mos harroni është me rëndësi çdo ditë ta mbani këtë ditar të ëndërrave.
Është shumë mirë që nëse dëshironi të avansoheni me këtë teknikë sa më parë, të zgjoheni vetëm pa përdorur orë apo zile. Posa t'ju delë gjumi, mos lëvizni shumë, mbani sytë mbzllur, relaksohuni dhe mo lejoni t'ju ikë ndjenja që shfaqet në çastin kur kaloni nga ëndërra në ketë realitet, pra thjeshtë relaksohuni që të qëndroni sa më shumë në njëfar mesi, as në ëndërr as në realitetin tonë. Nuk duhet të mundoheni që të qëndroni me çdo kusht në atë gjendje, ngase çdo tentim i dhunshëm do t'ju zgjojë.
Përpiquni t'ju kujtohet se çka keni ëndërruar, mendoni në ëndërrën që e keni parë. Pas një kohe thjesht mund t'i rekonstruktoni detajet dhe t'ju kujtohen ëndërrat tuaja, detajet, fotografitë etj. Është interesante se eksperimenti me gjendjen as në gjumë as në ëndërr te personat e ndjeshëm (më senzitiv) mund të sjellë gjer te ëndërra lucide, madje edhe te projektimi astral. Po ashtu në gjendjen gjysmë të zgjuar ndodheni edhe kur të shtriheni për të fjetur. Ajo është gjendja pikërisht kur ju hyni në ëndërr, ndrsa ende e keni vetëdijen. Këtë unë më së shumti e adhuroj.

Të paramenduarit - Vizualizimi

Sikurse që për ndriqimin e një poqi elektrik, nevojitet energjia elektrike, ashtu edhe për arritjen e ëndërrës së vetëdijshme nevojitet energji. Ajo energji në fillim është vizualizimi. Vizualizimi është një llojë paramendimi apo imagjinimi i ngjarjes dhe gjërave, por që për dallim nga paramendimi i thjeshtë, këtu marrin pjesë dhe janë shumë aktive edhe ndjenjat dhe emocionet. Para se të fillohet vizualizimi, trupi duhet të relaksohet mirë, pra së pari duhet të mësoni të relaksoni trupin tuaj. Ja një teknikë që unë e preferoj për të arritur vizualizimin e suksesshëm.
-Vendosuni në ndonjë vend të këndshëm, ku do të mund të relaksoni krejt trupin tuaj. Për metodat e relaksimit lexoni në temën: Disa teknika për ta arritur relaksimin fizik dhe psikik. Pasi të jeni relaksuar filloni procesin e vizualizimit. Paramendoni, se posa të shtriheni dhe relaksoheni, automatikisht shtrati i juaj ngritet lartë në ajër për rreth 20 m, dhe aty ju pretë një fluturake. Ngriteni nga shtrati dhe hyni në fluturake. Ajo ju shpien mbi qendër të qytetit dhe aty në lartësi ndalet, hapet dera e fluturakes dhe ju dilni jashtë. Po sa e bëni hapin e parë, qëndroni pezull në ajër. Provoni, mund të lëvizni. E ndjeni ajrin e freskët. Shikoni qytetin që shihet sikur nga perspektiva e zogut. Provoni të ecni apo të fluturoni përreth objekteve, ndërtesave etj. Pra është me rëndësi që sa me besnikërisht t'i përjetoni gjërat gjatë vizualizimit. Mos u mundoni me forcë me aritë këtë. Nëse ju zë gjumi, në rregull është. Le të jetë e gjithë kjo me një spontanitet dhe lehtësi. Do ta keni vështirë në fillim, por për disa ditë mësoheni. Pra me forcë asgjë nuk do të arini, përkundrazi do ta humbni koncentrimin. Pas pak serish ngrituni lartë, ecni apo fluturoni dhe kthehuni në fluturake e cila do t'ju sjellë gjer te vendi mbi banesën tuaj, aty ku ju pret shtrati. Dilni nga fluturakja, shtrihuni në shtrat dhe shtrati kthehet në vendin e vet...E gjithë kjo duhet të jetë e përcjellur me ndjenjë reale, sikur të ndodhte në realitetin fizik e jo në botën mendore. Është me rëndësi që çdo ditë të paramendohet - vizualizohet skenari i njëjtë pa ndryshime, ngase çdo ndryshim mund ta kthej avancimin tuaj në fillim. Pasi të ktheheni në shtrat, bindeni veten duke i sygjeruar me përsëritje mendjes suaj: "Unë dë të vetëdijësohem në ëndërr dhe do ta kem kontrollin e plotë". Disa herë do t'ju zë gjumi para kohe, tjera herë do të keni pengesa të ndryshme... Duroni dhe bëhuni këmbëngulës. Çdo natë përsëritni t njëjtin vizualizim. Një mesnatë duke qenë në gjumë do të zgjoheni në ëndërrën tuaj dhe do të ndodheni në vendin e vizualizuar deri tash dhe nga aty do të mund të shkoni kudo që dëshironi duke e pasur vetëdijen e plotë. Edhepse trupi i juaj fizik ndodhet në gjumë, ajo me të cilin ju udhëtoni gjatë ëndrave lucide quhet trupi astral, prandaj për këtë kjo dhe quhet Projektim Astral apo Përvojë jashtëtrupore (Out of Body Experience). Se çfarë ndjenje është, do të kuptoni vetëm atëherë kur e përjetoni këtë? .

thnnxx

sps

kam pak a shum dituri per kto endratt!!...

mu um kan ndodh qito enderra per nje mend e kam