Receta per kuzhne...

Sallatë me rrënjë perimesh

--------------------------------------------------------------------------------

Sallatë me rrënjë perimesh

Fikrie Gagica- Ukelli
Autore e librit “1000 receta për çdo familje”
Përbërësit:
* 2 karota
* 1 rrepë e kuqe
* 1 rrënjë selinoje
* 1 limon
* vaj ulliri
* kripë
* 3 thelpinj hudhër
* majdanoz
Përgatitja:
Rrepat kalohen në rende dhe vendosen veçantë nëpër enë. U hidhet kripë, lëng limoni, vaj ulliri, hudhër e shtypur dhe majdanoz i grirë hollë. Sallata zbukurohet sipas shijes, ose vendoset në fletë sallate të gjelbër.

Lazania me perime

Për 4-6 persona:

* 1 patëllxhan
* 2 kunguj
* 2 presh
* 1 spec jeshil
* 1 spec i kuq
* 300 gram mashurka të pastruar dhe të prera në formë shkopinjsh
* 2 lugë gjelle majdanoz të prerë hollë
* 2 lugë gjelle margarinë 1 lugë gjelle gjalpë
* 8 petë byreku (lazania*)
Për kremin

* 3 lugë gjelle margarinë
* 3 lugë gjelle miell
* 1/2 kg. qumësht i nxehtë
* 2 vezë të rrahura
* 250 gr. djathë i grirë (kaçkavall apo parmezania)
* kripë dhe piper
Përgatitja:
1. Vendosni perimet në një tenxhere ku më parë keni hedhur margarinën dhe gjalpin. I lini deri sa të zbuten. Hidhini nga pak kripë dhe piper, majdanoz dhe 2-3 lugë gjelle djathë dhe hiqeni tenxheren nga zjarri.
2. Për kremin beshamel, shkrini në një tenxhere margarinën, shtoni sasinë e miellit të nevojshëm dhe vazhdoni ta përzieni deri sa të shkrijë i gjithi. Hidhni pak nga pak qumështin e nxehtë, duke e përzier vazhdimisht, në mënyrë që të mos bëhet topa-topa. E lini për pak minuta në zjarr dhe ndërsa e hiqni e lini për pak momente që të .ftohet. Më pas hidhni në të vezët, kripën, piperin dhe djathin e grirë, përveç 2 lugëve. E përzieni masën me kujdes.
3. Vini fletët në një formë të lyer më parë me gjalpë dhe hapni në to gati gjysmën e masës me perime. I mbuloni përsëri me fletë,duke vendosur edhe gjysmën tjetër të mbushjes me perime dhe në fund i mbuloni me fletët e mbetura. Hidhni përsipër kremin beshamel, duke i spërkatur me 2 lugët e gjellës me djathë të grirë.
I lini të piqen në temperaturën 200 gradë celsius për rreth 40 minuta. I servirni menjëherë pas pjekjes

Kurorë me mish qengji

Fikrie Gagica- Ukelli
Autore e librit “1000 receta për çdo familje”
Përbërësit për brumin:
* 500 gr miell,
* 80 gr margarinë,
* 1 lugë maja,
* 1 lugë e vogël sheqer,
* 2 vezë,
* 2.5 dcl qumësht, kripë.
Për kurorë:
* Afro 2.5 kg mish qengji (dy palë brinjë),
* 200 gr gjoks pule ose mish qengji i prerë në kubik të vegjël,
* 2 lugë ajkë të thartë,
* 1 tubë qepë të njoma,
* 1 kungulleshkë e vogël,
* 2 lule të ndara lulelakre,
* 50 gr gjalp ose vaj ulliri,
* majdanoz i grirë hollë, ruzmarinë, kripë, vegetë, piper,
* 1 vezë për lyerje.
Përgatitja:
Zinet brumi me përbërësit e lartpërmendur dhe vendoset në vend të ngrohtë që të vijë. Mishi kriposet, fërkohet me mëlmesa sipas shijes. Zhvishen brinjët, u jepet forma e kurorës duke i bashkuar të dy palët e brinjëve dhe lidhen me spango kuzhine. Majat e brinjëve veç e veç mbështillen me folje, në mënyrë që gjatë pjekjes ato mos të nxihen. Nëse qengji është i moshës shumë të re,vendoset në tepsi të lyer me yndyrë, në mesin e zbrazët të kurorës futet një enë e vogël me pak ujë, që ta ruaj formën. Mbulohet me alufolje dhe futet në furrë të nxehtë me temp.200 gradë C për t’u pjekur për afro 40 min. Në të kundërtën, vendoset në tenxhere të gjërë me pak ujë që të zihet për ½ ore e pastaj me kujdes vendoset në tepsi që të piqet në furrë edhe ½ ore. Ndërkohë përgatitet mbushja. Mishi i zhveshur nga brinjët, ose mishi i pulës, fërgohet me qepë gjersa të zbutet. Shtohen perimet, ajka dhe mëlmesat. Kurora gjysmë e pjekur largohet nga furra, mbushet mesi i zbrazët i kurorës me yçin e përgatitur nga copëzat e mishit me perime dhe futet në furrë për t’u pjekur edhe 20 min. Brumi i ardhur ndahet në tri pjesë të cilat hollohen në tre shirita dhe thuren në formë gërshete. Mishi i pjekur largohet nga furra për t’u ftohur pak, pastaj mbështillet me gërshetë brumi. Pasi të vijë pak brumi, lyhet me vezë të tundur dhe prapë futet në furrë për t’u pjekur së pakut edhe ½ ore së bashku me mishin kurorë.

Tortë me çokollatë

Fikrie Gagica- Ukelli
Autore e librit “1000 receta për çdo familje”
Përbërësit:
* 8 vezë,
* 8 lugë sheqer,
* 8 lugë miell,
* 3 lugë kakao,
* 100 gr gjalpë,
* 1 pluhur paste,
* 400 gr çokollatë,
* 4 dcl ajkë të ëmbël,
* 3 lugë liker portokalli ose lëvore portokalli e kaluar në rende,
* fletë çokollate për zbukurim.
Përgatitja:
Tunden të bardhat e vezëve në shkumë të qëndrueshme. Shtohen të verdhat një nga një duke i tundur vazhdimisht me mikser. Mielli përzihet me pluhur paste e kakao dhe, duke e përzier brumin me lugë,qitet pak e nga pak. Shtohet gjalpi i shkrirë e i ftohur dhe përzihet me lugë gjersa masa të kompaktësohet. Brumi derdhet në kallëp për tortë të shtruar me letër të yndyrshme dhe futet në furrë të nxehtë me temperature 180ºC për t’u pjekur për 50 min. Pasi të piqet,qëndron në furrë edhe një orë gjersa të ftohet.
Ndërkohë, shkrihet çokollata e grimcuar në enë të vendosur mbi avull. Veçmas tundet ajka gjersa të bëhet një masë e dendur. Shtohet çokollata e shkrirë e ftohur dhe me mikser tundet së bashku me ajkë gjersa të fitohet një masë e njëllojtë.
Torta pritet horizontalisht në tri pjesë dhe lyhet në mes, mbi dhe anash me kremin e përgatitur. Zbukurohet sipas dëshirës ose sikurse në foto me trëndafil të sheqerosur dhe gjethe çokollate.

Byrek "dy në një"

Përgatitja
Për 6-8 veta
Për brumin 350 gr. miell
* 1 lugë ëmbëlsire kripë 150 gr. gjalpë
* 10 me 12 lugë gjelle me ujë të ftohtë

Për mbushjen me spinaq
* 700 gr. spinaq i pastruar
* 3 lugë gjelle me margarinë 1 qepë e grirë
* 2 thelpinj hudhër, të prerë hollë
* 3-4 feta sallam të prerë në formë katrore 3 lugë gjelle qumështi
* 2 vezë
* 1 filxhan djathë i grirë

Për byrekun me djathë 3 lugë gjelle margarinë
* 4-5 lugë gjelle miell
* 1 litër qumësht
* 4 vezë
* 300 gr. djathë i bardhë i grirë 200 gr. kaçkavall i grirë kripë dhe piper
Përgatitja:
1. Në një enë hidhni miellin dhe kripën. Më pas shtoni me duar gjalpin dhe e punoni masën deri sa të shihni se thërrmohet në copëza. Hidhni ujin në këtë masë, e përzieni me një lugë druri. Brumin e mblidhni në formë të rrumbullakët dhe e lini të mbuluar për afro 30 minuta.

2. E hapni brumin në petë dhe i shtroni ato në një tepsi, e cila më parë është lyer me gjalpë. E shponi me pirun dhe e ndani më dysh. Në anë të saj vendosni letër alumin i, të cilën e keni palosur 2-3 herë. Kujdesuni që letra të ngjisë mirë tek brumi.

3. Përgatisni byrekun me spinaq, e shtrydhni mirë spinaqin dhe e prisni hollë. E hidhni atë në tenxhere së bashku me margarinën, qepën, hudhrën dhe sallamin. Rrihni vezët me qumështin, kripën dhe piperin dhe i hidhni më pas në masën e përgatitur.

4. Për byrekun me djathë: shkrini në një tenxhere margarinën, shtoni miellin dhe e përzieni deri sa të tretet. Më pas shtoni në mënyrë të ngadalshme qumështin e nxehtë dhe e përzieni vazhdimisht. E lini kremin për disa minuta në zjarr dhe menjëherë më pas e largoni dhe hidhni në të vezët, djathin, kripën e piperin. I përzieni të gjitha këto.
5. Zbrazni masën me spinaq në gjysmën e tepsisë dhe hidhni për sipër djathin. Ndërsa në gjysmën tjetër hidhni masën me djathë. E piqni byrekun në temperaturë 220 gradë për rreth 30 minuta

Fileto e pjekur në "guackë" prej kripe

Për 6 persona
Materialet

Për fileton e pjekur
* 1 kg. fileto viçi
* 15 gr. gjalpë pa kripë
* 1 lugë gjelle vaj ulliri
* 1 e kuqe veze e rrahur lehtë
* 2 lugë gjelle kripë e trashë
* piper i zi

Për "guackën" prej kripe
* 500 gr. kripë e trashë
* 4 lugë thimar
* 1 lugë gjelle rozmarinë
* 150 ml. ujë
* 400 gr. miell
* 2 të bardha vezësh.
Përgatitja
1. Përgatisim "guackën" prej kripe të paktën 3.5 orë përpara se fillojmë pjekjen. Së pari, zbrazim në enën e mikserit kripën dhe erëzat dhe i përziejmë. Më pas shtojmë të bardhat e vezëve dhe ujin e vazhdojmë rrahjen. Hedhim pak nga pak miellin dhe e rrahim masën e krijuar në mikser për 2-3 minuta derisa të bëhet një masë e njëtrajtshme, e fortë dhe jo ngjitëse. Por nëse ngjit, atëherë shtojmë pak miell. Mbulojmë brumin me letër që nuk ngjit dhe e lëmë që të "shlodhet" në një cep të kuzhinës për 3-24 orë.

2. Pastrojmë filetot me letër kuzhine. Ngrohim gjalpin dhe vajin në zjarr me temperaturë mesatare dhe skuqim në to filetot për 2-3 minuta nga çdo anë.

3. Gradojmë furrrën në 190 gradë celsius. Hapim brumin mbi një sipërfaqe të lyer me miell dhe realizojmë një petë me madhësi 26x30 centimetra. I palosim petët më dysh dhe i mbyllim mirë në anë. Më pas i vendosim filetot në skarë. Shtojmë në të kuqet e vezëve 112 lugë ëmbëlsire me ujë dhe lyejmë sipërfaqen e "guackës" prej kripe, duke përdorur një penel kuzhine. Përsipër hedhim kripë të trashë.

4. I pjekim filetot në skarë për 25-32 minuta, në varësi të preferencave që kemi për mishin. Më pas i "shlodhim" filetot, duke i lënë mbi skarë në temperaturën e dhomës për 20-60 minuta.
Duke qenë se mishi është i mbyllur në "guackën" prej kripe, ai ruhet i ngrohtë. Presim "guackën" në anë dhe e heqim nga pak. Nxjerrim mishin dhe i hedhim piper përsipër. Në fund, i vendosim filetot në pjata dhe i shërbejmë menjëherë

Biftek i zier me perime

Për 2 persona:
* 2 copa mish viçi, pa dhjam
* 2 karota
* 2 speca jeshilë
* 2 kunguj
* rigon, kripë, piper i zi, rozmarinë
* 1 lugë e madhe vaj
* ujë me sy
Përgatitja:
Copat e mishit rrihen deri sa të bëhen me petashuqe. Më tej sipër tyre hidhen erëzat dhe përzihen me to.
Pritini karotat, kungujt dhe specat në copa mesatare dhe përziejini dhe këto të fundit me erëzat mirë.
Lërini mishin dhe perimet një copë herë sa deri sa erëzat të depërtojnë aromën e tyre mbi to.
Më pas në një tigan vini vajin të skuqet dhe sipër vëni mishin dhe perimet. Më tej pa i skuqur fare (nëse doni dhe mund t’i skuqni) shtoni ujin nga to më ngadalë dhe në sasi të vogla.
Bëjeni këtë vazhdimisht, duke i kthyer perimet dhe biftekët disa herë deri sa të jenë gatuar. Në fund fare edhe ujin duhet ta kenë pirë pak a shumë. Servirini të nxehta. Ju bëftë

Patate të skuqura me salcë djathi dhe vezë

Materialet për 4 persona
· 600 gr. patate
· 200 gr. djathë kaçkavall, i butë, i grirë
· 2 thelpinj hudhre të prera hollë
· 100 ml. verë e bardhë
· 200 ml. krem qumështi
· 2 të kuqe vezësh
· 2 lugë gjelle majdanoz
· 60 gr. gjalpë
· kripë dhe piper
Përgatitja

1. Lani shumë mirë patatet; i lyeni me pak gjalpë dhe në vazhdim i mbështillni me letër alumini. I piqni në furrë për 1 orë, derisa të zbuten,

2. Menjëherë më pas u hiqni cipën: i prisni në copa të mëdha dhe i vendosni në një enë të lyer me gjalpë.

3. Sipër patateve hidhni pak djathë të trashë të butë, të grirë trashë.

4. Rrihni kremin e qumështit me verën, të kuqet e vezëve dhe kripën e piperin. Shtoni djathin e grirë, hudhrën, majdanozin dhe i përzieni mirë të gjitha materialet.

5. I spërkatni patatet me masën prej djathi dhe I piqni derisa djathi të shkrijë. E servoni gatimin menjëherë

Akullore krem

--------------------------------------------------------------------------------

Përgatitja. Në një tenxhere rrihni tre të verdhat e vezëve me sheqerin kokërr derisa të formohet një masë e fryrë, pastaj hidhni ngadalë qumështin të cilit i keni dhënë një valë më parë, shtoni gjysëm gote të vogël brandy, duke e rrahur mirë. Rivendosni kremin në zjarr në banjo mari (uji duhet të ziejë lehtas) në mënyrë që të forcohet. Ndërkohë fruloni bajamet me sheqerin pudër dhe gjalpin e zbutur, shtoni masën e kremit ndajeni nëpër tasa individualë dhe vendosini në frigorifer për 3 orë. Servirini duke i zbukuruar me pannë të rrahur dhe qershi.

Akullore me kumbulla

--------------------------------------------------------------------------------

Pëgatitja. Lani kumbullat, hiquni bërthamat, pritini në copa të vogla, hidhini në një enë të madhe me 2 lugë sheqer dhe lëkurën e portokallit të grirë, lëreni në qetësi për 10 minuta. Ndërkohë jepini një valë ujit me sheqerin dhe kanellën, lëreni të ziejë për 10 minuta, ftoheni sherbetin dhe hidhjani kumbullave. Vendoseni përgatesën në makinën e akullores duke vepruar sipas instruksioneve të apartit.
__________________

Akullore me fruta pylli

--------------------------------------------------------------------------------

Përgatitja. Pastroni, lani e thani frutat, hiquni bishtat. Vendosni në frulator. Shtoni dhe lëngun e gjysëm limoni të filtruar në kullesë, sheqerin dhe panën. Frulojini të gjitha. Pastaj hidheni përgatesën në makinën e akullores duke e lënë rreth 20 minuta ose sipas instruksioneve të aparatit.

Akullore me banane

--------------------------------------------------------------------------------

Përgatitja. Shtrydhni portokallin dhe limonin, hidheni lëngun në një tenxhere, shtoni sheqerin dhe treteni këtë në zjarr të dobët. Hiqeni para se të arrijë pikën e zierjes. Qëroni bananet dhe frulojini në mixer. Hidheni purenë e bananeve në sherbet. Përzjejini për një kohë të gjatë dhe hidheni në makinën e akullores për rreth 20 minuta.

Akullore me kivi

--------------------------------------------------------------------------------

Përgatitja. Zieni për rreth 15 minuta sheqerin me gjysëm litër ujë. Qëroni kiwit dhe frulojini në mixer. Hollojeni purenë e formuar me shërbetin e përgatitur më lart dhe lëngun e limonit. Përzjejini. Hidheni në makinën e akullores për 20 minuta.

Akullore me lajthi

--------------------------------------------------------------------------------

Përgatitja. Vendosni lajthitë në furrën e ngrohtë për 15-20 minuta, hiqini, eleminoni lëkurën dhe grijini imët. Zjeni qumështin dhe aromatizojeni me vanilje, përziejeni. Punojini lajthitë e grimcuara me disa lugë qumësht, pastaj shtoni qumështin e mbetur duke përzier. Rrihni të verdhat e vezëve me sheqerin dhe kur të përftohet një masë e fryrë shtoni lajthitë. Vendosini në zjarr të ngadaltë duke i trazuar vazhdimisht. Hiqeni kremin sapo fillon të marrë valë. Kur të jetë ftohur, hidheni në makinën e akullores për rreth 20 minuta.
__________________

tregoni edhe ju une nuk jam kuzhiniere e mire meqense ende jam femije por me pelqen te pregatis specialitete te ndryshme...