Gripi i derrave rrezikon botën

Organizata Botërore e Shëndetësisë thotë se gripi i derrave nuk mund të kontrollohet. Të gjitha vendet e botës janë të rrezikuara nga ai. OBSH paralajmëron të gjitha qeveritë e botës që të kenë kujdes. Në këtë rast Kosova thotë se nuk ka nevojë për panik, dhe nuk ka marr ndonjë masë serioze parandaluese. Ekspertët botërorë pohojnë se në rast të shpërthimit të një pandemie, do të mund të humbin jetën 2 milionë njerëz.

Organizata Botërore e Shëndetësisë (OBSH), vazhdon me paralajmërimet nëpër botë, që të përgatiten për rastet eventuale të gripit të derrave.
Pasi që sipas ecurisë që është duke u shpërndarë ky grip, ka shumë gjasa që shpejtë të shpërthej një pandemi, ka lajmëruar kjo organizatë.

Vdekja e 140 personave në Meksikë nga ky grip, dhe i rreth 2 mijë të tjerëve të infektuar nëpër botë, dhe kalimi i kësaj sëmundjeje nga vendi në vend ka bërë që të gjitha qeveritë e botës të marrin masa të shpejta parandaluese të përhapjes së kësaj sëmundjeje.
Edhe më serioze është bërë, pasi që OBSH, të martën (dje) ka lajmëruar se ky grip i njohur si gripi i derrave, i llojit A/H1N1, nuk mund të mbahet nën kontroll. Organizatë kjo e cila tashmë ka ngritur shkallën e gatishmërisë në nivelin e katërt më të lartë.

"Duke marrë parasysh situatën aktuale, fokusi i përpjekjeve tani duhet të jetë mbi përpjekjet për zbutjen e pasojave të kësaj sëmundjeve dhe jo mbi përpjekjet për ta mbajtur atë nën kontroll. Ky virus tashmë është përhapur shumë dhe në momentin kur po flasim, mbajtja e tij nën kontroll nuk është e mundur", ka deklaruar Keiji Fukada, zyrtarë i lartë në OBSH.

Mirëpo, përkundër të gjitha qeverive të botës që këtë çështje e kanë marr shumë seriozisht, pa marr parasysh a ka mbërritur gripi në vendin e tyre apo jo, qeveria e Kosovës, thotë se nuk ka nevojë për panik.

Tashmë, gati nëpër të gjitha aeroportet e botës, është duke u bërë kontrollimi i udhëtarëve, meqë është mënyra që më së shumti po bartet sëmundja.

Deri sa në Kosovë deri më tani nuk është dhënë ndonjë alarm për shpërthimin e kësaj epidemie, Instituti Kombëtar i Shëndetësisë ka marrë vendim që herë pas here në aeroportin e Prishtinës të shkojnë inspektoratë sanitarë të Shëndetësisë që të vëzhgojnë situatën. Këtë e bëjnë të ditur zyrtarë të ANP-së.

“Nga instruksionet e marra për momentin nga qeveria thuhet se për momentin nuk ka nevojë për panik dhe shqetësim të popullatës dhe si pasojë e kësaj në Aeroport mbizotëron gjendje e zakonshme”, njoftohet nga zyra për informim i aeroportit.

Eksplodojnë ampulat me grip

Ampulat me virusin e gripit të derrave, të cilat një teknik i Qendrës Kombëtare për Grip ishte duke i bartur në Gjenevë për testim, eksploduan për shkak të shtimit të shtypjes në frigorifer. Raportohet për dy të lënduar.

Frigoriferi i mbushur me akull të thatë dhe mostra të virusit të gripit të derrave H1N1 është dashur të dërgohet në Qendrën Zvicerane Kombëtare për grip në Gjenevë, ndërsa eksplodoi të hënën mbrëma në trenin, i cili po udhëtonte drejt atij qyteti.

Nga tetë ampula, sa ishin në frigorifer, virusi gjendej në pesë të tilla.

I punësuari i laboratori mori mostrat nga Cyrihu për t’i dërguar me tren në Gjenevë, por paketa eksplodoi afër Fribourg dhe Lausanne pas shkrirjes së akullit të thatë, i cili u vendos gabimisht në frigorifer, gjë që shkaktoi rritje të shtypjes.

Dy persona u lënduan lehtë, deklaroi policia. Megjithatë autoritetet theksuan se nuk ka rrezik për njerëzit, marrë parasysh se nuk ishte virus i përzier, për të cilin besohet se shkaktoi 149 raste të vdekjes në Meksiko. Treni u ndal për disa orë, ndërsa gjendja shëndetësore e 61 udhëtarëve ku ndodhi eksplodimi do të përcillet derisa tërësisht nuk përjashtohet mundësia e infektimit.

Virusologu nga Gjeneva, i cili doli në terren deklaroi se nuk ekziston rreziku nga infektimi i udhëtarëve.

Transporti i shembujve të ampulave me virus e miratoi Zyra zvicerane për Shëndetësi. Ampulat është dashur që të shërbejnë për zhvillimin e testit për njohuritë më të reja rreth gripit të derrit.

OBSH ngrit në 4 shkallën e alarmit

Organizata Botërore e Shëndetësisë (OBSH) nga frika e epidemisë së gripit të derrave, e ka ngritur në 4 shkallën e alarmit, nga gjithsej 6 nivele sa ka kjo organizatë.

Kjo fazë, sipas Organizatës Botërore të Shëndetësisë, nënkupton bartjen direkte të këtij virusi tek njerëzit dhe paraqet rrezik për pandemi.

Zëvendësdrejtori i OBSH-së, Keiji Fukuda, ka thënë se kjo organizatë do të vazhdojë me vaksinimin sezonal dhe iu ka bërë thirrje të gjitha vendeve që të përgatiten për raste eventuale të gripit të derrave.

Nga kjo sëmundje në Meksikë, deri tash kanë vdekur 149 njerëz, ndërsa janë konfirmuar edhe rastet e para të virusit në Evropë, në Spanjë dhe në Skoci.

Edhe pse deri më tani në Kosovë nuk ka asnjë rast të raportuar me gripin e derrave, i cili ka filluar të shndërrohet në pandemi për shumë vende te botës, nga Instituti Kombëtar i Shëndetit Publik (IKSHP) theksohet se kanë përgatitur një plan veprimi.


Nuk mund të mbahet nën kontroll

Sipas OBSH`së epidemia e sëmundjes së njohur si gripi i derrave, tashmë nuk është e mundur të mbahet nën kontroll.

Kjo organizatë e ka ngritur shkallën e gadishmërisë së saj në nivelin e tretë më të lartë.

Kjo do të thotë se ka patur një numër rastesh të kalimit të këtij virusi nga njeriu te njeriu.

Zyrtari i lartë i OBSH-së, Keiji Fukada tha se një epidemi në shkallë globale nuk ishte e pashmangshme dhe se qeveritë duhet të përqëndroheshin në zbutjen e pasojave të kësaj sëmundjeje.

"Duke marrë parasysh situatën aktuale, fokusi i përpjekjeve tani duhet të jetë mbi përpjekjet për zbutjen e pasojave të kësaj sëmundjeve dhe jo mbi përpjekjet për ta mbajtur atë nën kontroll. Ky virus tashmë është përhapur shumë dhe në momentin kur po flasim, mbajtja e tij nën kontroll nuk është e mundur", tha Dr. Fukada.

Megjithatë, ai tha se nuk kishte nevojë për masa të tilla si mbyllja e kufijve.

"OBSH-ja nuk rekomandon mbylljen e kufijve apo kufizimin e udhëtimeve. Por, do të ishte e këshillueshme që personat e sëmurë ta shtyjnë udhëtimin, do të ishte gjithashtu e këshillueshme që personat që kthehen nga një udhëtim dhe që ndjehen të sëmurë, të kërkojnë ndihmë mjekësore", tha zyrtari i lartë i

Shtetet e Bashkuara, Britania dhe disa vende të tjera i kanë këshilluar shtetasit e tyre që të mos udhëtojnë në Meksikë, vendi i prekur më rëndë nga kjo sëmundje.

Autoritetet meksikane thonë se afro 150 vetë kanë vdekur nga sëmundja e gripit të derrave dhe rreth njëmijë të tjerë që kanë shfaqur simptoma të saj, janë në spital.

Korrespondenti i BBC-së në kryeqytetin e vendit, Meksiko, thotë se shkollat janë mbyllur në të gjithë Meksikën. Ai thotë se hotelet po zbrazen për shkak se operatorët e turizmit po anulojnë udhëtimet në Meksikë.

Shtetet e Bashkuara kanë njoftuar 45 raste të kësaj sëmundjeje, shumica në Nju Jork.

Spanja ishte vendi i parë evropian që konfrimoi një rast të sëmundjes së gripit të derrave, një shtatas i sapokthyer nga Meksika.

Edhe autoritetet britanike kanë njoftuar për dy raste të kësaj sëmundjeje.

s'kena qka me bo....

jo veq ishalla s'na vjen ketu ne ks

ka me na ardh edhe neve..