Suksese dhe plane të ESA''''s për hapësirën kozmike

Viti 2005 filloi me një ngjarje të shënuar për Agjencinë Evropiane të Hapësirës. Më 14 janar sonda Hygens e Agjencisë Evropiane të Hapësirës, ESA, zbriti në Titan, hënën më të madhe të Saturnit, dhe mori mostrën e parë të përbërjes kimike të atmosferës së Titanit, si dhe fotografitë e para të sipërfaqes së tij misterioze . Por kjo ngjarje e rëndësishme për shkencën porsa ka filluar: nga sonda Hygens priten tani një numër të rejash shkencore.

Sipas ESA-s, këtë vit do të ketë një numër të madh misionesh, që do t?i zgjerojnë më tej njohuritë tona për hapësirën.

Në fushën e teknologjisë së raketave, inxhinierët evropianë nuk i kanë kursyer përpjekjet për rifillimin e programit Ariane-5 për hedhjen e raketave 10-tonëshe. Sistemi i ftohjes i motorit të raketës së tipit Vullkan-2 është përmirësuar dhe mbulesa e tij termale është përmirësuar.

Për vitin 2005, është gjithashtu në plan edhe fluturimi i Automjetit të Transferimit Automatik të ESA''''s, ATV. ATV-ja do të dërgohet në Stacionin Ndërkombëtar të Hapësirës me një raketë të tipit Ariane-5 dhe do të jetë e aftë t?i bashkohet vetë këtij Stacioni. Me t?u shkarkuar ngarkesa 7,5 tonëshe, ATV-ja do të shërbejë si kosh gjigand për hedhjen e mbeturinave. Një tjetër rol i rëndësishëm i ATV-së është rritja e lartësisë së Stacionit Ndërkombëtar të Hapësirës, për të kompensuar tërheqjen e Tokës.

Në muajin nëntor, ESA do të fillojë misonin e saj të parë në Venus që do të quhet ?Venus Express?. Pas një udhëtimi planetar 5-mujor, inxhinierët do ta fusin anijen e hapësirës në një orbitë 24-orëshe rreth Venusit. Atje, kjo anije do të kryejë vëzhgime shkencore me instrumentet e veta, një pjesë e të cilave janë marrë nga anijet Rosetta dhe Mars Express, si dhe dy instrumente të reja eksperimentalë. Ky mision do të zgjasë vetëm dy ditë venusiane, baras me 500 ditë në Tokë.

Por viti 2005 do të jetë i rëndësishëm edhe nga pikëpamja politike për ESA''''n. Këshilli i parë i Hapësirës që u mbajt më 25 nëntor, ishte një hap i rëndësishëm për formulimin e politikës evropiane të hapësirës. Nga fundi i vitit 2005, vendet anëtare të ESA''''s do të zhvillojnë një takim për konfirmimin e kësaj politike. Vendime të tjera lidhur me programet e reja të hapësirës do të ndikojnë në të ardhmen e shkencës së hapësirës në Evropë. Këtu mund të përfshihen vëzhgimi global i Tokës, telekomunikacioni dhe eksplorimi i planeteve, që të dyja këto të drejtuara nga robotët.

Burimi: Ngjarjet më të rëndësishme për shkencën evropiane/ZA