Tërmeti i Sumatrës ka tronditur të gjithë tokën

Sizma e Sumatra-Andaman, që gjeneroi tsunamin gjigant në brigjet jug-lindore aziatike 26 dhjetorin e kaluar , duke shkaktuar rreth 150 mijë të vdekur, ishte aq shumë i fuqishëm për të tronditur të gjithë planetin. Asgjë e tillë nuk është regjistruar më përpara , të paktën që kur njeriu është në gjëndjë të regjistrojë fenomene të tilla. Kërkimet më të detajuara konfirmojnë një gjë të tillë, të publikuara vetëm sot mbas analizave të të dhënave të marra me strumenta të avancuara. 'Normalisht një tërmet i vogël mund të durojë më pak se një sekondë , një mesatar disa sekonda – afirmon Charles Ammon , profesor gjeologjie në Universitetin e Penn State – ky tërmet ka duruar nga 500 deri në 600 sekonda ( rreth 10 minuta).
Tërmeti me epiqëndër në oqeanin Indian , afër ishullit ka krijuar një çarje shumë të madhe e pa parë ndonjëherë në fundin detar: 1280 kilometra. 'Globalisht ky tërmet ka qënë aq i madh sa ka lëvizur të gjithë planetin me rreth gati 1 cm'- ka thënë Ammon. Falë rilevimeve të reja kërkuesit kanë axhornuar edhe manjitudën e tërmetit që kaloi nga 9,0 të shkallës rikter në matjet e para , në
9,3. Një forcë pa precedentë , duke marrë parasysh që tërmeti i konsideruar si më i fuqishmi deri vitin që shkoi ishte ai që shkatërroi Kilin në vitin 1960 , kishte një manjtudë 8,3 gradë.