a e keni shikuar big brother dhe kush ju ka pelqyer

Kanë nisur dje një udhëtim drejt Hungarisë, çifti më i përfolur i reality show-t “Big Brother 2”. Ata do të ndjekin
një garë të Formula 1, një udhëtim i siguruar për dy të rinjtë nga “Top Channel”, për lojën që kanë bërë në spektaklin “Big Brother 2”. Ata do të qëndrojnë në Hungari gjithë fundjavën, për shkak se gara si gjithmonë mbahet të dielën, dhe kështu do të shfrytëzojnë këto ditë për të shëtitur Budapestin. Ky është një udhëtim i veçantë i tyre drejt këtij vendi, në këtë periudhë shumë argëtuese për fillimet e një jete të re si çift i dashuruar.
Por në fund të fundit ky është thjesht një udhëtim. Sepse mendja e tyre është diku tjetër, tek projektet televizive për të cilat janë shumë të apasionuar të dy. Ç'po bëhet me projektet artistike, që u janë premtuar se do të përfshihen shumë shpejt?! Sipas burimeve tona projekti më konkret ku ata janë përzgjedhur për t'u angazhuar
është një serial televiziv, që po përgatit “Top Channel” për sezonin e ri televiziv. Protagonistë të rëndësishëm do të jenë pikërisht Bjordi dhe Adela, të cilët thuhet se e kanë marrë me shumë qejf këtë projekt. Bëhet fjalë për një serial humoristik, xhirimet e të cilit do të realizohen në ambientet e shtëpisë së famshme “Big Brother”, ku ata kaluan plot 100 ditë aty, me shumë tension, ankth, dashuri dhe lojë të vështirë, ashtu siç e kanë shprehur vetë pasi kanë dalë nga shtëpia. Por tashmë kjo hyrje e dytë në këtë shtëpi, tani do të jetë veçse një lojë aktoriale. Ende nuk dihet më shumë rreth këtij seriali, që pritet të shkaktojë të qeshura për publikun, por ideja është
për të sjellë një frymë të re në ekranin shqiptar, që ka munguar më parë. Ka shumë mundësi që në lojën ku thuhet se do të marrin pjesë dhe këngëtaret Rozana Radi, Çiljeta Xhilaga dhe Ingrid Gjoni xhirimet mund të nisin në fillim të vjeshtës. Mesa duket drejtuesit e “Top Channel” kanë menduar të realizojnë një serial shumë komercial, nisur dhe nga popullariteti që ka fituar çifti i të dashuruarve, Bjordi dhe Adela. Derisa të fillojë puna ata janë duke shijuar bashkëjetesën në një nga apartamentet që e kanë marrë me qera në zonën e ish-bllokut. Kjo përfshirje e tyre në një loje aktoriale nuk është rastësi. Me hyrjen e tij në “Big Brother”, Bjordi kishte theksuar pasionin për t'u bërë aktor, dhe ndaj iu premtua që do t'i sigurohej një rol në një projekt italian për realizimin
e një filmi artistik. Ndërsa Adela, pasion të saj kishte shprehur këngën, dhe dëshirën për të bërë një klip.
Ndërkohë që vetëm një javë më parë “Panorama Plus” publikoi lajmin e një bashkëpunimi të mundshëm të
Pirro Çakos me Adelën, i cili i ka provuar zërin për të parë mundësinë e realizimit të një kënge që mund t'i përshtatet. Pavarësisht këtyre provave duket se edhe ata vetë nuk janë të qartë se çfarë do të bëjnë konkretisht me projektet e tyre. Vazhdojnë të respektojnë kontratën e “Top Channel” si të punësuar në staf, pasi atyre u është premtuar se sezoni i ri televiziv patjetër që do t'i përfshije në projekte televizive apo radiofonike. Për sa i përket Adelës ende nuk i është thënë asgjë rreth ofertës që prezantuesi i spektaklit “E diell”, Adi Krasta i bëri për të qenë ajo partnerja e dytë në sezonin e ri, së bashku me Xhemin. E tani për tani atyre u mbetet t'u gëzohen
pushimeve. Sapo janë kthyer nga Italia, ku Adela shkelte për herë të parë. Ditët e nxehta ata i kanë ndarë mes
Lecos dhe Romës, ku më shumë janë mjaftuar duke parë Koloseun, dhe Shën Pjetrin. Ata kanë udhëtuar
vetëm drejt Italisë, dhe nuk janë shoqëruar nga mamaja e Bjordit, Antoneta, e cila ka vazhduar të qëndrojë në Shqipëri. Ndërkohë që janë kthyer të dielën nga Italia, direkt janë nisur drejt Vlorës, ku kanë qëndruar në Orikum,
në hotelin e Qetsorit, fituesit të “Big Brother 2”, me të cilin ruajnë një miqësi të mirë. Atje ata kanë bërë plazh
dhe janë kthyer sërish në Tiranë, për të shkuar drejt Durrësit e Golemit, ku e kanë kaluar kohën duke marrë
rreze e duke shijuar plazhin. Mesa duket çifti deri në momentin që ka marrë telefonata pune nga “Top Channel”,
ka vendosur ta shijojnë në maksimum verën, me pushime dhe udhëtime në plazhet e nxehta. Gjithçka mbetet për t'u parë në shtator, ndërkohë që dihet tashmë synimi i tyre i përbashkët për t'ia dedikuar të ardhmen televizionit dhe kinemasë.

jo se kam shikuu

ahhh ok une per vete e kam shiku 24 ore