Retë rol në atmosferën e Marsit

Të tjera zbulime janë zhvilluar mbi planetin e kuq të Marsit. Së fundi shkencëtarët kanë zbuluar se grimcat e akullit që janë pjesë përbërëse të reve të cilat ndodhen mbi Mars, luajnë “një rol thelbësor" në stabilitetin dhe kompozimin e atmosferës të planetit të kuq, veçanërisht sa i takon ozonit, bën të ditur një studim në revistën "Natyrë".

Ashtu sikurse edhe në planetin Tokë, veprimet reciproke mes elementeve kimike të gazta dhe kristaleve të akullit të disa reve luajnë një rol shumë të rëndësishëm në humbjen e ozonit të stratosferës.

Meqenëse retë me grimca akulli ishin vëzhguar shpesh në atmosferën e Marsit, kërkuesit, të drejtuar nga Franck Lefèvre (CNRS), kërkuan të përcaktonin nëse edhe në këtë planet ndodhte e njëjta gjë si në Tokë.

"Në qoftë se të njëjtat procese kimike do të ndodhnin në këtë planet, kjo hedh një dritë të re mbi rolin e Marsit si laborator natyral për të kuptuar më mirë kiminë e atmosferës sonë”- thonë kërkuesit.