Zbulohet dioksid karboni në planetin 63 vite-dritë larg Tokës

Zbulohet dioksid dhe monoksid karboni në atmosferën e një planeti. Teleskopi hapësinor Hubble i NASA-s .

Zbulimi përbën një hap të parë drejt jetës jashtëtokësore. Shkencëtarët e agjencisë hapësinore amerikane thonë se zbulimi i përbërësve organikë që mund të rezultojnë nga procese të gjalla në një planet të ngjashëm me Tokën "mund të japë një ditë provën e parë të jetës jashtë planetit tonë". CO2-shi është zbuluar në një planet me madhësinë e Jupiterit dhe që ndodhet 63 vite-dritë larg Tokës.

"Nuk kemi të bëjmë me zbulimin e jetës në këtë planet në veçanti", theksoi Ray Villard, i Space Telescope Science Institute, i cili shpjegoi se ky planet i quajtur HD 189733b, që paraqitet vetëm në gjendjen e lëngët dhe të gaztë, ka një temperaturë shumë të lartë për të lejuar zhvillimin e jetës. "Por, ai paraqet një përbërje kimike që, mund të jetë një gjurmëlënës biologjik i pranisë së jetës", shpjegoi ai.

Gjithashtu shkencëtarët zbuluan në këtë planet ekzistencën e molekulave organike të metanit si dhe avuj uji. Prania e CO2 dhe e monoksidit të karbonit është zbuluar nga Mark Sëain, një shkencëtar i laboratorit Jet Propulsion të Nasa-s në Kaliforni, qui përdori të dhënat e Hubble për të shqyrtuar lëshimet e dritës infra të kuqe që vinte nga planeti. “Dioksidi i karbonit është aspekti më i bujshëm i këtij zbulimi, sepse në rrethana të favorshme, ai mund të jetë i lidhur me një aktivitet biologjik, siç ndodh me Tokën", shpjegoi ai.