Vërtetohet lidhja e stilit të shëndetshëm jetësor dhe zemrës së shëndoshë

Vërtetohet lidhja e stilit të shëndetshëm jetësor dhe zemrës së shëndoshë

Dy studime të reja të botuara në revistën "The Journal of the American Medical Association" kanë vërtetuar pohimet e shumta se stili i shëndetshëm jetësor ndihmon në parandalimin e sëmundjeve kardiovaskulare.
Në studimin parë, shkencëtarët kanë analizuar të dhënat e 20.900 meshkujve, gjendja shëndetësore e të cilëve është përcjellë për 22 vite.

Rezultatet kanë treguar se respektimi i së paku njërit nga faktorët e stilit të shëndetshëm jetësor zvogëlon rrezikun për pamjaftueshmërinë e zemrës.

(Faktorët e stilit të shëndetshëm jetësor: mbajtja e peshës normale, mos-konsumimi i tepruar i alkoolit, konsumimi i mjaftueshëm i drithërave, pemëve, perimeve, aktiviteti i rregullt fizik dhe mos-pirja e duhanit).
Në studimin e dytë, shkencëtarët kanë studiuar të dhënat për gjendjen shëndetësore të 80.000 femrave të shëndosha për një periudhë 14 vjeçare.

Shkencëtarët kanë zbuluar se respektimi i së paku njërit nga faktorët e stilit të shëndetshëm jetësor, ndihmon dukshëm në mbajtjen e shtypjes së gjakut në vlera normale.

(Në këtë rast, përveç ushtrimeve të rregullta, mbajtjes së peshës trupore në vlera normale dhe mos-teprimit me alkool, në kuadër të faktorëve të shëndetshëm jetësor është përfshirë edhe ushqimi i cili nuk e dëmton zemrën, mos-përdorimi i tepruar i analgjetikëve- jo më shumë se një në javë, dhe marrja e preparateve të acidit folik).