Williams i kthehet çiklizmit pas operacionit në zemër

Williams i kthehet çiklizmit pas operacionit në zemër

Komiku Robin Williams beson se po i kthehet formës së tij të plotë fizike duke shpresuar se ushtrimet e tij me biçikletë do ta bëjnë të fuqishëm për serinë e komedive të cilat i ka në plan për fundin e këtij viti.
Komiku i famshëm është dashur t’i nënshtrohet një operacioni në mars të këtij viti dhe mezi prit kthimin e tij në skenë.

Por një test prek 20-minutash që i kishte bërë vetes i ka lënë të kuptojë se ai ende nuk është i gatshëm për një shou të vërtetë, prandaj shpreson se vozitja e biçikletës do ta kthejë atë në formën e tij të plotë.

"U ngjita në skenë para dy muajsh, qëndrova aty 20 minuta dhe u largova. Jo, ende nuk jam i gatshëm. Faleminderit. Por më mbetet të pres për të parë nëse do të mundem”, ka thënë ai për revistën Wenn.

Williams ka pranuar se mjeku i tij i ka dhënë këshilla për çiklizëm dhe se është nën mbikëqyrjen e tij gjatë tërë kohës.