Thashetheme:Genta Ismaili ben operacion hunden

Këngëtarja e njohur kosovare, Genta Ismajli, ka bërë operacion plastik hundën e saj ka njoftuar një burim shumë i afërt me këngëtaren, për gazetën Bluetooth. Sipas këtij burimi këngëtarja e ka bërë operim hundën gjatë këtij muaji dhe kjo është edhe njëra prej arsyeve që këngëtarja nuk ka marrë pjesë në ndonjë koncert apo në ndonjë eveniment gjatë këtyre kohëve. Mësohet se këngëtarja e ka bërë këtë operim në një spital privat të Prishtinës, ndërkaq mjeku i saj ka qenë një kirurg i njohur për kirurgji plastike nga Kosova. “Këngëtarja e ka bërë këtë në fillim të muajit mars. Por, ne nuk mund të japim ndonjë informacion”, ka thënë burimi për gazetën. Përndryshe, operimi thuhet se është bërë në të njëjtën klinikë private ku ka qenë edhe këngëtarja tjetër kosovare Dafina Zeqiri. Por, operacioni sipas burimit është kryer para se Genta të udhëtoj për në Turqi kur është duke i kaluar pushimet atje në bregdetin turk. Në adresë të gazetarit kanë ardhur disa foto ekskluzive të Gentës që ajo i ka bërë në bregdetin turk me 22 mars, pra këtë të hënë kur Genta vetëm ka bërë atje një vizitë. Fotot publikohen eksluzivisht për “Bluetooth” dhe aty mund të shihni edhe hundën e re të Gentës, edhe pse sipas kirurgut ajo nuk ka bërë ndryshime të mëdha në të. Deri me tani, Genta nuk ka lajmëruar për ndonjë risi gjatë pranverës apo verës për ndonjë video të saj apo ndonjë album.