Rinia është potencial më i madh që ka Kosova

rastin e 12 gushtit, Ditës Botërore të Rinisë, Parlamenti Rinor i Kosovës ka organizuar një seancë solemne, në të cilën përveç të arriturave të këtij parlamenti që nga themelimi i tij në maj të këtij viti, janë përmendur edhe pengesat dhe vështirësitë me të cilat përballen të rinjtë nëpër komunat e Kosovës.
Kryetari i këtij parlamenti, Avdullah Hasani ka thënë se Parlamenti Rinor është formuar më 19 maj dhe ka përfaqësim nga komunat në bazë të numrit të popullsisë.
Ai ka theksuar se nga vizita që ka bërë nëpër shkollat e mesme nëpër komuna, por edhe në bazë të raporteve të delegatëve të këtij parlamenti, ka rezultuar që delikuenca e të miturve dhe siguria në shkolla është problemi kryesor me të cilin ballafaqohen të rinjtë.
Ndërkaq deputetja, Driarta Provalliu ka lexuar një historik të shkurtër të Ditës Botërore të Rinisë, duke thënë se një ditë e tillë është caktuar në mënyrë që të tërhiqet vëmendja dhe të punohet më shumë për rininë.
Me rastin e shënimit të kësaj dite janë organizuar aktivitete të ndryshme për rininë, ndërkaq mbështetjen më të madhe të rinjtë e kanë nga zyra e kryeministrit, përkatësisht nga Zyra për qeverisje të mirë.
Drejtuesi i kësaj zyreje, Habit Hajredini ka premtuar se zyra e kryeministrit do të jetë gjithmonë mbështetëse kryesore e aktiviteteve rinore.
Ndryshe, deputetët e rinj gjatë fjalimeve të tyre kanë paraqitur probleme të shumta me të cilat ballafaqohet rinia në Kosovë, përderisa drejtuesit e këtij parlamenti kanë bërë të ditur se po punohet për përmirësimin e gjendjes së të rinjve, duke përfshirë këtu edhe lidhjen e marrëveshjeve me vendet fqinje, siç është ajo me Maqedoninë e nënshkruar ditë më parë, bashkëpunimi me Asamblenë Botërore të Fëmijëve dhe Parlamentin Evropian të të rinjve, për realizimin e projekteve të ndryshme që shkojnë në favor të avancimit të pozitës së të rinjve në shoqërinë në Kosovë.

flm.

do doja te kemi nje jet te pasur...me lumturi ..gjith rinia e ks

dhe te mos te merren me drog me vjedhje etj...

do te doja dhe une po ashtu qe te gjithe te rinjet e kosoves me pat pasuri sa me shume e ndoshta nuk sihin marr me pune joliogjore...

inshallah vitin tjeter gjithqka do jet me mir

qdo here besoj se do te behet me mire