Zanfina Ismaili “eksplodon” Drenicën

kohë që emri Zanfina Ismaili po zë vend të konsiderueshëm në show-biznesin shqiptar. Një këngë mjaft e pëlqyer, me një vokal të pjekur dhe dukshëm të përmiresuar nga vitet e kaluar derisa ajo ishte në fillimet e një kariere të suksesshme, një klip ultra-modern dhe inovativ që pushtoi mediat shqiptare, bëri që Zanfina Ismaili këtë verë të jetë njëra ndër këngëtaret më të angazhuara por dhe më të suksesshme të verës 2009. Ky shkrim do të ishte një i radhës, sikur të mos kishte ndodhur një “befasi” këtë verë. Zanfina Ismaili u tregua shumë trime kur u fut në koncertin e saj bashkë me organizatorët në zemër të Drenicës, në qytetin Skenderaj, gjë që po komentohet gjërë e gjatë për shkak të orientimit politik të motrës së saj. Dhe fansat e Zanfines pritnin me drojë këtë performansë në Drenicë, kurse ata që nuk pëlqejnë Zanfinen i gëzoheshin ndonjë incidenti të mundshëm që do të mund të ndodhte atje. Përkundër të gjithë debateve në faqe të ndryshme interneti, Zanfina këndoi në zemrën e Drenicës dhe, suksesi tejkaloi çdo parashikim.

Numër tejet i madh drenicakësh priten këngëtaren me një eksplodim dashurie duke e mbuluar me duartrokitje çdo këngë të saj, lule, përqafime, foto madje dhe këngë që i dinin përmendësh. Ndoshta kjo bëri që të ashpërsohet “lufta” në estradë ndërmjet disa këngëtareve shkak i suksesit të Ismailit. Zanfina në këtë vend të vogël ekzaltoi publik mbi 700 fansa gjë që në Kosovë konsiderohet suksese i madh, për shkak të krizës ekonomike. Dhe nuk mund ti ikim faktit që “lufta” kundër Zanfinës po ashpërsohet, sepse tash e një kohë të gjatë kjo gjë është evidente në komente interneti të cilat kanë kaluar numrin e komenteve ordinere. Dhe nëse guxojmë të flasim se kush po e fiton këtë betejë, sipas ngjarjeve të fundit, komenteve të fansave, koncerteve dhe klikimeve në klipet e realizuara, Zanfina pa bërë zhurmë të madhe dhe pa komentuar asgjë, po korr suksese të pa përjetuara më parë. Hera e fundit kur këngëtarja ishte në Drenicë pikërisht më 04 prill të vitit 2007 ku Zanfina paraqitej atje pas pesë vjetësh, për të mbajtur koncertin e saj pas një kohe relativisht të gjate. Ajo atë kohë tregoi se herën e fundit në këtë rajon është paraqitur në një koncert humanitar për familjet e dëshmorëve. “Kohët e fundit, pas një sërë kërkesash për një koncert dhe interesimit të publikut, vendosa ta mbaj atë koncert. Nuk e kam pritur se do të kaloj aq mirë dhe se do të ketë aq shumë njerëz në koncertin tim, në Drenas. Jam ndier shumë e nderuar nga pritja e publikut atje”, thotë ajo. Sipas Ismailit, publiku i ka ditur përmendësh këngët e saj dhe i ka kënduar bashkë më të. “Publiku i Drenicës është shumë i hareshëm”. Tashmë ajo është duke menduar që në Drenicë ta organizojë edhe një koncert, gjatë verës, pasi tash është shumë e zënë me punë. Gjatë verës, Ismaili thotë se do të jetë në Prishtinë dhe do t'i organizojë disa koncerte, kryesisht nëpër pishina.