Blero bie në gjunjë për propozimin e martesës‏

Gjithçka ka ndodhur si nëpër filma. Një propozim martese shoqëruar me buqetë lulesh, unazë me gur diamanti dhe me një mbishkrim origjinal kanë qenë mënyra më e përkryer për t’u ulur në gjunjë para Teuta Krasniqit. Dhëndri i ardhshëm është kush tjetër pos këngëtari Blerim Muharremi – Blero, që për shumë meshkuj është kthyer në një subjekt xhelozie, pasi arriti të bëjë për vete një aktore të bukur, të mençur, të zonjën dhe humaniste siç është Teuta. “Sot jam fejuar”, pohon pa fshehur lumturinë dhe entuziazmin aktorja që gjithë vitin na bënë të qeshim me rolin e Sarandës në serialin vendor “Kafeneja jonë”, e që ka filluar të na bëjë edhe me lot, pasi i është rrekur një misioni human, siç është ndërtimi i shtëpive për skamnorët…

Martesa vitin që vjen

Ka qenë ditëlindja e aktores, data që këngëtari ka zgjedhur për ta zyrtarizuar lidhjen me fejesë dhe ka marrë një ‘po’ të fuqishme nga e dashura. Ka pasur një ceremoni në familjen e saj, ndërkaq pasditja është shndërruar në festë në familjen e Bleros. Por, ndryshe nga fejesat e rëndomta, ajo mes çiftit më të përfolur në vend është shoqëruar me veçantinë më të rrallë për mënyrën se si dhëndri ka zgjedhur t’i propozojë nuses së ardhshme. Pa kompleksin dhe krenarinë që karakterizon shumicën e meshkujve Blero ka vendosur që thjesht ta dëgjojë zemrën duke u përkulur në gjunjë “Teutë, a do të martohesh me mu?”, kjo ‘lutje’ ka lënë nusen pa fjalë. “Thjeshtë nuk e prisja. Për disa sekonda kam ngelur pa frymë. Duke i shikuar lulet, duke e shikuar mbishkrimin që e kishte shkruar shumë bukur, dhe duke e shikuar atë që priste përgjigjen prej meje”, rrëfehet Teuta. Një moment të tillë e kishte parë vetëm në filma dhe nuk e mohon se u kishte lakmi edhe aktorëve për përjetimin e një ndjenje të tillë, por kurrë nuk kishte besuar se do të bëhej vetë protagoniste reale e një propozimi të tillë. “Ishte ndjenjë tepër e mirë. Gjithmonë kur shikoja filma, u kisha lakmi dhe i thosha vetës ‘garant tek ne nuk ndodhin këto gjëra pasi meshkujt janë shumë krenarë për të rënë në dy gjunjët’. Por Blero është shumë i mirë, më njeh shumë mirë dhe më trajton në mënyrën më të mirë të mundshme. Çdo femër e ka ëndërr që t’i propozohet në atë mënyrë, që unë sot e përjetova. Ishte një dhuratë shumë e mirë”. Ndonëse fejesës i është bashkangjitur edhe propozimi për martesë, çifti nuk planifikon të lidhë kurorë këtë vit. “Martesën e kemi lënë vitin tjetër, e kemi caktuar edhe datën e martesës por nuk do ta publikojmë njëherë”, sqaron ajo.

Tri arsye pse zgjodha Bleron…


Ka lënë me gojë hapur pothuajse të gjithë. Por Teuta e përligj fare mirë zgjedhjen e saj. Për këdo që ka dyshime, mjafton ta pyes një femër se çfarë është e rëndësishme për të në një lidhje. Trajtim të mirë, respekt dhe dashuri, janë vetëm tre fjalë, por sikur në shumë raste edhe në rastin e Teutës përbëjnë thelbin e lumturisë. “Unë Bleron e kam shok prej vitesh. Ne jemi miq të shtëpisë. E kam pasur tamam shok me të cilin kam folur për tema e probleme të ndryshme. Gjithmonë më ka pëlqyer si djalë i mirë dhe asnjëherë nuk kam menduar në ndonjë aspekt tjetër. Por jeta është plot me befasi. Çka më pëlqen më së shumti është personaliteti i tij, është njeri që tregon kujdes të jashtëzakonshëm ndaj meje. Ka respekt tepër të madh ndaj meje, ndaj familjes sime, e çka është më e rëndësishmja më do shumë. Edhe unë mundohem t’ia kthej në të njëjtën mënyrë”, shprehet aktorja. I ka rastisur të dëgjojë zëra që pohojnë se çdo fillim është i mirë, por asaj ia thotë zemra dhe një gjë tjetër , “nëse na ka dhënë Zoti ymër e di që do të jetë shumë gjatë për të mos thënë gjithmonë. Dhe ndoshta gjithë do të jetë sikur fillimi për shkak se Blero është njeri që ka arritur të më njohë tamam siç jam, të më pranojë ashtu siç jam – me të mira e me të meta… Më do dhe më respekton shumë, e këto janë shumë të rëndësishme. Edhe unë mundohem t’ia kthej në të njëjtën mënyrë. Trajtimi i tij ndaj meje është gjëja më e përkryer për faktin se për një gjë të tillë ka nevojë secila femër. Por, që tek ne ndodh shumë rrallë, qoftë për shkak të egos mashkullore apo për shkak të krenarisë që karakterizon shumë shqiptarë”, nënvizon aktorja. Në rastin e të fejuarit të saj, Teuta beson se ka ndikuar jeta e Bleros në Suedi. “Ai ka ditur të absorbojë shumë gjëra pozitive nga mentaliteti suedez dhe është bërë njëfarë shkrirje shumë e mirë e që është diçka shumë ideale. Nëse mund ta definojë krejt lidhjen tonë, unë them thjeshtë që ai mua ma rehaton shpirtin. Jam shumë rehat, jam shumë e qetë dhe kam përkrahje maksimale”.

Familja Krasniqi përkrah zgjedhjen e të bijës


“Familja ime e ka pritur jashtëzakonisht mirë lidhjen tonë, pasi e kanë njohur qysh moti Bleron si shok të Memlit. Unë jam nisur edhe nga një fakt. Memlin e kam vëlla por gjithmonë e kam pasur dhe vijoj ta kem shembull. Jam ndal dhe i kam menduar disa gjëra – derisa Memli që e njoh shumë mirë, që e respektoj shumë, di kë ta çmojë, di kë ta dojë, di me kë të rri – e do shumë Bleron, e respekton shumë dhe ka miqësi që sa vjet me të, kjo d.m.th., se ka diçka shumë të mirë tek ky njeri”. Teuta përjashton çdo mundësi që Memli të jetë bërë xheloz për motrën, përkundrazi, shprehet ajo duke qeshur, porse nuk e mohon se edhe vëllait i janë dashur disa sekonda për ta ‘kapërdirë’ lajmin e befasishëm. Memli ka qenë i pari që i është kumtuar edhe lajmi për lidhjen mes çiftit, me këmbënguljen e Bleros i cili nuk kishte dëshiruar që krahas ndjenjës së dashurisë të rritej brenda tij edhe një ndjenjë jo e këndshme karshi Memlit, në rast të fshehjes të së vërtetës. “I dukej se po ia punon prapa krahëve. Ndaj të dy e ndjenim si përgjegjësi t’ia thoshim të vërtetën”, vijon rrëfimin Teuta. Listën e dashamirëve të fejesës në fjalë, padyshim që e kryesojnë familja e Bleros. “Ata janë jashtëzakonisht të kënaqur. Edhe kur i kam takuar për herë të parë më kanë bërë të ndjehem aq mirë, sikur t’i njihja qe 20 vjet. Janë shumë të afërt, shumë të dashur”, shprehet nusja e ardhshme e familjes Muharremi. E natyrisht që me një re të bukur, të edukuar dhe të një familjeje siç është ajo Krasniqi, nuk kishte si të ndodhte ndryshe. Duket se misioni human të cilit i është rrekur Teuta, i është shpërblyer asaj në një mënyrë që nuk e priste. Të kesh pranë dikë që të bën të ndjehesh me krah. Kjo padyshim që nuk ka çmim!


Propozimi

“Pas propozimit për disa sekonda kam ngelur pa frymë. Duke i shikuar lulet, duke e shikuar mbishkrimin që e kishte shkruar shumë bukur, dhe duke e shikuar atë që priste përgjigjen prej meje. Ishte ndjenjë tepër e mirë. Gjithmonë kur shikoja filma, u kisha lakmi dhe i thosha vetës ‘garant tek ne nuk ndodhin këto gjëra pasi meshkujt janë shumë krenarë për të rënë në dy gjunjët’. Por Blero është shumë i mirë, më njeh shumë mirë dhe më trajton në mënyrën më të mirë të mundshme. Çdo femër e ka ëndërr që t’i propozohet në atë mënyrë, që unë sot e përjetova. Ishte një dhuratë shumë e mirë”.

Blero ma rehaton shpirtin

“Nëse mund ta definoj krejt lidhjen tonë, unë them thjeshtë që ai mua ma rehaton shpirtin”.

oo sa romantike kjo kam degju

thnx