Suksesi i lumturisë është të bësh mirë

Problemet e përditshme familjare, konfliktet në punë, sëmundjet dhe stresi i të mospasurit parà, shpeshherë na sjellin shqetësime dhe janë burimi kryesor i sëmundjeve serioze. Kur ndihemi të deprimuar ose të depresionuar, mjekët na rekomandojnë terapi të ndryshme ose ilaçe, por nuk janë gjithmonë ilaçet ato që sjellin rezultatin e shumëkërkuar. Së fundmi, një shkollë e re mendimi sugjeron një princip të thjeshtë dhe të vjetër: ndihmoni të tjerët, në mënyrë që të ndihmoni veten.

A mundet që ndihma që u japim të tjerëve të jetë çelës për lumturinë tonë? Studimi i ri sugjeron se ekzistojnë shpjegime biokimike për emocionet pozitive, të cilat lidhen me të bërit mirë. Në një studim të publikuar kohët e fundit në “Proceedings of the National Academy of Science”, pjesëmarrësve u ishte vendosur një aparat, i cili tregonte sa herë ata vendosnin për të bërë bamirësi. Kur pjesëmarrësit zgjidhnin të dhuronin parà, sistemi mesolimbik aktivizohej, e njëjta pjesë e cila aktivizohet në përgjigje të shpërblimeve monetare, seksit dhe stimujve të tjerë pozitivë.


Përse duhet të bëjmë mirë? Përse ne, qeniet njerëzore duhet të bëjmë mirë? “Sipas teorisë darviniane, seleksioni i grupit luan një rol të fortë në evolucionin njerëzor. Nëse diçka, si ndihma, mund t’i sjellë të mira grupit, atëherë kjo gjë lidhet direkt me kënaqësinë dhe lumturinë”, -shpjegon Stephen Post, profesor dhe autor i librit “Why good things happen to good people” (Pse gjërat e mira u ndodhin njerëzve të mirë?). Ndërsa stresi, ankthi dhe depresioni na bëjnë të përqendrohemi sa më shumë te vetja, fokusimi në nevojat e të tjerëve na bën që mendimet tona t’i drejtojmë drejt tyre, duke mënjanuar në njëfarë mënyre streset e përditshme. “Një nga mënyrat më të mira, që të kapërcesh stresin, është t’i vish dikujt në ndihmë”, – tregon Post. Të bësh mirë, si dhe të ndihesh mirë janë një kombinim shumë efikas për të krijuar ndjesi pozitive. Nëse bëjmë mirë, ndihemi mirë dhe kjo ndjesi sjell gjithmonë e më tepër dëshirën për të bërë mirë. “Studime të ndryshme kanë treguar se njerëzit e lumtur të vijnë më shumë në ndihmë”, – tregon David Myers, psikolog dhe autor i “The Pursuit of Happiness”- “Në ndjekje të lumturisë”. “Ata që janë shumë të pasur shprehin dëshirën për të bërë punë vullnetare dhe bamirësi. Kjo është gjëja më humane që mund të bëjë dikush”,- vazhdon profesori

Si të ndihmojmë të tjerët dhe vetveten? Të bësh mirë nuk të kushton asgjë, një shprehje të cilën e kemi dëgjuar dhe thënë me mijëra herë, por, për arsye të ndryshme, nuk kemi pasur kohë ose mundësi për ta realizuar. Më poshtë kemi listuar pesë gjëra të thjeshta, të cilat mund t’i bëni për të ndihmuar të tjerët dhe veten tuaj. Dilni vullnetar. Studiuesit kanë treguar se njerëzit, të cilët dalin vullnetarë, të paktën për dy orë në javë (rreth 100 orë në vit), janë fizikisht dhe shpirtërisht dhe më pak të depresionuar. Qendrat vullnetare janë lehtësisht të gjindshme për të gjithë ata që kanë dëshirë. Ofrohuni familjarëve, miqve dhe fqinjëve ndihmën tuaj. Jepini fqinjit tuaj një mjet, për të cilin ka nevojë, çojini darkën dikujt që është sëmurë, mbajini kafshët fqinjëve kur janë me pushime ose ofrojini mikut tuaj makinën, kur i mungon e tija.

Dhuroni. Nuk është nevoja të jetë një shumë e madhe parash, mund të jetë një shumë modeste, e cila mund të përmirësojë jetesën e dikujt, jeta e të cilit mund të varet vetëm nga kontributi juaj.


Bëni të tjerët dhe veten për të qeshur. Mënyra më e lehtë për të bërë njerëzit e lumtur është që personalisht të ndihemi të lumtur. “Nëse ju kujtohet një këngë e vjetër, por shumë kuptimplotë, qeshni. Është mesazh shumë i shkurtër, por kuptimplotë”, – tregon Myers. Mundohuni të jeni gjithmonë optimistë dhe të keni besim në vetvete; vetëm kështu mund t’u transmetoni të tjerëve lumturinë e kërkuar.


Për t’u bërë më të mirë, hidhuni një sy këtyre thënieve…

Gjërat e mira vijnë për ata që dinë të presin.

Gjërat akoma më të mira vijnë për ata që përpiqen, ndaj përpiquni të bëni mirë.

Nëse dëshironi t’i bëni një dhuratë të mirë dikujt, përpiquni t’i kushtoni kohën dhe përkujdesjen tuaj.

Të falësh dashuri, është gjëja më e bukur në botë.

Bëni komplimente të sinqerta.

Ngrijuani miqve tuaj moralin.

Ata do të ndihen të vlerësuar dhe ju të kënaqur.

Buzëqeshni.

Buzëqeshja juaj mund të jetë për dikë një rreze dielli, në një ditë të stuhishme.

Sekreti i lumturisë është të jesh i lumtur me atë që ke.

Nëse dëshironi të jeni më të vërtetë i lumtur, jetoni për të tjerët

okey....

duhet mi respektu kto rregulla gjethqysh..be

poo valla

un bej mir..por ndonjeher ia kthei dikujt te njejten gje qe me ka ber ai mua!

une hakmerrem kur me ben dikush keq haha