Fansat të brengosur për Mariah Careyn

Raportet se Mariah Carey ka anuluar disa nga paraqitjet e mëhershme në publik, kanë shtyrë shumë adhurues të saj të pyesin nëse çdo gjë është në rregull me këngëtaren e njohur.
Ishte paralajmëruar se Mariah Carey do të pajisej me yllin e saj në “Shëtitoren e Famës” në Hollywood dhe se do të paraqitet në një koncert më 28 gusht. Përfaqësuesja e saj për media Cindi Berger ka deklaruar për revistën “People” se nuk ka arsye për brengosje për klienten e saj.

"Ato data janë shtyrë, nuk janë anuluar", ka theksuar Berger.

Mariah Carey është duke përfunduar albumin e saj të ri, "Memoirs of an Imperfect Angel" publikimi i të cilit është shtyrë për 29 shtator të këtij viti.

"Datat e daljes së albumeve vazhdimisht ndryshojnë", ka sqaruar Cindi Berger.

"Kjo nuk është e pazakontë dhe nuk nënkupton asgjë. Ajo vetëm dëshiron që albumi të jetë ashtu si e ka paramenduar dhe kjo nuk është asgjë e veçantë", ka sqaruar Berger

keshtu jan fansat brengosen edhe per nejrezit e huaj