Tevez dëshiron të bashkëpunojë me Oasis

Ylli i futbollit, Carlos Tevez, dëshiron të realizojë një bashkëpunim në mes bendit të tij Piola Vago me yjet e grupit ‘Oasis’, Liam dhe Noel Gallagher.
Sulmuesi ka një grup të muzikës latine, ku këndon së bashku me vëllain e tij, Diego, dhe është shprehur i gatshëm të bashkëpunojë me grupin britanik të rokut.

“I njoh Oasis shumë mirë. Është vështirë të jetosh në Manchester për dy vite dhe të mos i njohësh kush janë ata, plus ata janë shumë mirë të njohur edhe në Argjentinë”, ka thënë Tevez.

“Muzika e tyre mund të jetë ca më ndryshe nga Piola Vago, por në një aspekt tjetër jemi të ngjashëm, ata kanë Noel dhe Liam dhe ne jemi unë dhe Diego (vëllai i Carlos), andaj mund të themi se ne jemi një version latin i Oasis!”.

“Ata mund të na mësojnë disa gjëra dhe ne mund t’i mësojmë ata se si të vallëzojnë latino, mendoj se do të ishte shumë kënaqësi. Muzika është diçka ku dua të jap më shumë kohë pas futbollit, andaj do të ishte shkëlqyeshëm të luajmë me më të mirët”.

“Ne kemi një zë më ndryshe nga ajo me çfarë janë mësuar njerëzit në Angli, por duhet definitivisht të na jepni një rast. Mund ta pëlqeni”, ka shtuar Tevez.

okey thnx