Queen Latifah: Nuk do ta zë vendin e Abdul

Queen Latifah ka mohuar spekulimet se ajo do të jetë zëvendësuesja e përhershme e Paula Abdul te shou televiziv "American Idol".
Reperja e shndërruar në aktore ka një ofertë për t’u bashkuar me Simon Cowell, Randy Jackson dhe Kara DioGuardi, në audicionin e ri të shout për talentë, mirëpo ajo thotë se po mendon që të jetë vetëm mysafire në jurinë e “American Idol”.

“Nuk dua ta zëvendësoj Paula Abdulin. Mendoj se ajo është e pazëvendësueshme”, ka thënë Latifah.

Abdul është tërhequr nga spektakli për talentë këtë muaj, ndërsa vendin e saj gjatë audicioneve e kanë plotësuar mysafire të tilla, si Victoria Beckham, Mary J. Blige, Katy Perry etj.