Një ditë do të zbulohet jetë ne Mars!

I zbuluar që në prehistori është bërë pre e studimeve dhe hipotezave me disa lloje hartash
Pse planeti i Kuq identifikohet me Perëndinë e Luftës në Olimpin grek

Ju ka ndodhur ndonjëherë që gjatë një dite të zakonshme, fare rastësisht të takoni një qenie që nuk ngjan me asnjë tokësor?
Nëse jo, pritet të ndodhë. Këtë herë në rubrikën "Të reja shkencore" do të njiheni më qartësisht me temën nëse kemi fqinjë planetarë apo Toka është i vetmi planet që ka jetë. Një nga planetet që ka joshur gjithmonë vëmendjen e shkencëtarëve, është Marsi. Ky planet diskutohet të ketë pasur jetë mijëra vjet më parë. Hipotezat e një lloji tjetër jete, e jetës perfekte me anë të mendimit, fantazisë dhe ëndrrave mund të jenë të vërteta.

Jeta në Mars
Në vitin 1877, Giovanni Schiaparelli prodhoi hartën e parë moderne të Marsit, në të cilën ai tregoi një sistem të quajtur "Kanali". Në vitin 1910, Percival Lowell tërhoqi vëmendjen e publikut me librin e tij "Mars As the Abode of Life" (Marsi si vendbanim jete). Lowell vizatoi një portret imponues të një planeti të vdekur, banorët e të cilit kishin ndërtuar një sistem të gjerë ujitjeje për të shpërndarë ujin nga zonat polare deri në zonat qendrore e Ekuator. Shumë studiues kanë dështuar në misionin për të zbuluar këto kanale. Në vitet '60 misionet "Mariner" 4, 6, dhe 7 u kthyen me imazhe të ngjashme me ato të hënës, sipërfaqe e mbushur me kratere. Atmosfera ishte pothuajse e gjitha dioksid karboni dhe vetëm sa 1/100 e dendësisë së Tokës. Mariner 9 në vitin 1972 tregon se ky planet ishte shumë më kompleks, me vullkane të mëdhenj dhe sisteme të mëdha kanionesh dhe evidencë e kalimit të ujit në disa pika në të kaluarën. Por mundësia e organizmave në sipërfaqe nuk mund të mohohej akoma. Për këtë arsye, misioni "Viking" në vitin 1976, mori një instrument të sofistikuar që të kërkonte për forma jete në sipërfaqen marsiane. Ky u quajt eksperimenti biologjik viking. Nga eksperimenti biologjik nuk u gjetën shenja të ndonjë elementi organik në Mars. Ato janë prezente edhe te meteorët, kështu që ky rezultat nuk pritej.

Thënie nga antikiteti
E gjithë jeta në Mars, të gjithë banorët e tij, janë përtej perceptimit të mendimeve të humanëve. Mijëra vjet më parë, banorët e Marsit vëzhguan Tokën nëpërmjet ëndrrave dhe mendimeve të tyre. Asnjë provë tokësore nuk mund të zbulojë jetën në Mars. Duke kuptuar kaosin dhe shkatërrimin që njerëzimi do t'i shkaktonte Tokës e më pas Sistemit Diellor, u vendos që duhet të merren hapa drastike. Ishte kjo koha kur civilizimi marsian zhdukën ekzistencën nga ne dhe morën me vete të gjitha format e jetës. Marsianët pothuajse zhdukën Marsin, oqeanet e lumenjtë e tij që ishin plot me jetë ujore. Ka mënyra që ata informohen mbi njerëzit. Ata ndërhyjnë nëpërmjet harmonizimit të vibrimeve. Disa njerëz kanë aftësi t'i ndjejnë këto vibrime të realitetit marsian, por vetëm për pak kohë, për shkak të tingullit që ndikon në psikologjinë njerëzore. Këto fleshe të shkurtra të jetës marsiane sigurojnë një vështrim të shpejtë mbi bukurinë e mënyrës së jetës marsiane, teknologjia e tyre bazohet në mendim dhe shpirt. Gjuha e tyre është tingulli dhe melodia. Lidhjet e tyre sociale janë të bazuara në familje të ngushta, fise dhe tribu. Edhe pse me një sistem jete të thjeshtëzuar, civilizimi i tyre është mijëra vjet më i avancuar se njerëzimi.
Të gjitha përshkrimet e antikitetit përputhen me ato që disa dëshmitarë në ditët tona i bëjnë alienëve. Po ku ndodhen ata? Çështja nëse jeta është e zakonshme apo e rrallë në Univers apo jo, ka ndërlikime. Nuk dihet saktësisht se si lulëzoi jeta në Tokë, kështu është e vështirë për të përcaktuar sa të zakonshëm janë mekanizma të tillë. Sot, ne nuk e dimë me siguri nëse ka apo ka pasur jetë ndonjëherë në të, por një gjë është e sigurt, një ditë do të ketë.

Legjenda e Marsit
Në legjendë Marsi ishte një perëndi antike romake që kujdesej për agrikulturën. Ishte mbrojtës i fushave dhe prodhimeve. Në kalendarin e vjetër Roman, viti i ri fillon me muajin e tij, Mars, për vetë rëndësinë e detyrës së kësaj perëndie. Kur ai filloi të identifikohej me Zotin grek Ares gjatë Republikës së Re, mori pozicionin e Zotit të Luftës dhe kjo i shërbeu të ishte perëndi madhore në panteonin e Romanëve, që ishin shumë krenarë për ushtritë e tyre. Marsi kishte priftërinjtë e tij specialë të quajtur Flakëritës.
Legjenda Romane e bëri Marsin themeluesin e racës romane me historinë se Zoti kishte lënë shtatzënë virgjëreshën Rhea Silvia që i dha jetë dy binjakëve, Romulus dhe Remus. Në mitologji, Marsi ishte i dashuri i perëndeshës Venus, që ishte nëna e Aeneas, që gjithashtu kishte lidhje me historinë legjendare të Romës. Në Forumin e Augustus në Romë, perandori Augustus ndërtoi një Tempull të Mars Ultor ("Marsi Hakmarrësi") për të simbolizuar fitoret e tij ndaj atyre që vranë babain e tij adoptiv, Jul Çezarin. Statuja e bronxtë e shek II tregon Marsin me një armaturë të stilit grek.


Dy qytetërimet e fuqishme, grekët dhe romakët, sunduan me art apo ushtri për një kohë të gjatë Tokën. Pas vëzhgimit të qiellit u shtua edhe rrjeta e konfiskimeve të tyre. Planeti i kuq afër Tokës u bë shtëpia e Zotit të Luftës. Tashmë i përkiste edhe ai.
Etja për pushtet i përgjigjet "parashikimeve të marsianëve".
Mendohet se në Mars ka pasur jetë mijëra vjet më parë dhe qytetërimi i tyre, edhe pse tejet i thjeshtëzuar, ka qenë shumë më i avancuar se i yni sot.
Në vitin 1877 u krijua harta e parë e planetit të kuq nga shkencëtari Giovanni Schiaparelli, në të cilën ai tregoi një sistem të quajtur "Kanali".
Në vitin 1910, Percival Lowell tërhoqi vëmendjen me librin e tij "Marsi si vendbanim jete", ku banorët kishin ndërtuar një sistem të gjerë ujitjeje nga polet në Ekuator.
Mariner 9 në vitin 1972 tregon se ky planet ishte kompleks, me vullkane të mëdhenj dhe sisteme të mëdha kanionesh e evidencë e kalimit të ujit në të kaluarën.
Misioni "Viking" në vitin 1976, me një instrument kërkonte për forma jete në Mars. Ky u quajt eksperimenti biologjik viking. Nuk u gjetën shenja elementesh organikë.
Çështja nëse jeta është e zakonshme apo e rrallë në Univers ka ndërlikime. Nuk e dimë me siguri nëse ka apo ka pasur jetë, por një gjë është e sigurtë, një ditë do të ketë

sa miir

ehh po po