Babai i dy fëmijë në koma nga gripi i derrit

Gripi i derrit rrezikon t'i marrë jetën të parit pacient shqiptar. Një 45 vjeçar nga qyteti i Durrësit i diagnostikuar me virusin AH1N1, që prej së dielës ndodhet i shtruar në gjendje kritike për jetën në Sanatorium, në periferi të Tiranës.
Rasti i shtruar me urgjencë në fillim të javës në Spitalin e Mushkërive është paraqitur me probleme të rënda shëndetësore për shkak të sëmundjeve kronike, por pas analizave paraprake në Institutin e Shëndetit Publik rezultoi pozitiv me virusin A. Dyshimet janë për virusin e gripit të derrit për shkak të simptomave të shfaqura.

Shefi i reanimacionit në Sanatorium Alban Hatibi, duke parë simptomat që ka shfaqur pacienti ka filluar menjëherë trajtimi i tij me medikamentin Tamiflu.

“Në fillim u evidentua si insuficiencë multiorganore, përveç prekjes që u evindetua në mushkëri nga grafia u panë dhe insuficienca të organeve të tjera si mëlçia . Duke qenë se nga Instituti i Higjienës erdhi përgjigja si virus A, jo e tipit H1 N1. Në këtë situatë filluam mjekimin me medikamentin standard tamiflu”, deklaroi Shefi i reanimacionit në Sanatorium Alban Hatibi. Më tej ai shtoi se gjendja shëndetësore e 45 vjeçarit vazhdon të jetë e rëndë.

Pacienti, babai i dy fëmijëve ka ardhur në Shqipëri vetëm para disa ditësh pasi jetonte në Itali, ku edhe mendohet se mund të jetë infektuar.

Nëndrejtori i Sanatoriumit, Arjan Mezini pohon se në pritje të përgjigjes për virusin AH1N1, pacienti është izoluar në reanimacion.

“Në momentin kur është mësuar se pacienti mund të ketë virusin e gripit të derrit janë hequr dy pacientë që ndodheshin në reanimacion dhe është bërë izolimi i 45 vjeçarit”, deklaroi nëndrejtori Mezini.

Ai shtoi më tej se janë marrë të gjitha masat, personeli mjekësor që i shërben pacientit është i pajisur me maska dhe se në spital disponohet sasia e duhur e tamiflusë. Deri tani 29 raste janë të konfirmuara me virusin e gripit të derrit në Shqipëri

o zott e ku jom un qe spe disha qe jon bo 29 te infektuar ne shqiperi

oo sa keq

po shum keq ti lesh femijet jetim

vertet shum keq

inshallah sherohet---

ishalla

zoti i ndihmofte

nese ka ymer sdo vdes

shum gjynahh ama aj paska pas edhe semundje te tjera a po jo qe qenka ne koma

sa keq....

ehh ske qti besh keshtu e ka kjo jete

po valla edon