Black Eyed Peas të dëshpëruar nga vdekja e DJ AM

Anëtarët e grupit "Black Eyed Peas" janë të dëshpëruar nga vdekja e Adam ‘DJ AM’ Goldstein, pasi që kishin bashkëpunuar me të vetëm një javë para se të vdiste.
DJ-i është gjetur i vdekur të premten në banesën e tij në New York me dyshimin e mbidozës me drogë, ndërsa anëtari i “Black Eyed Peas”, Apl.De.Ap, pranon se është shokuar kur ka dëgjuar për vdekjen, pasi që grupi i tij kishte bashkëpunuar me të në Las Vegas vetëm shtatë ditë më parë.

“Nuk mund ta besonim. Ishim me të, të premten (një javë para se të vdiste) në Las Vegas. Kemi DJ-uar me të dhe kemi bërë disa fotografi, dhe është dëshpëruese të dëgjosh diçka të këtillë”, ka thënë reperi .