Madonna moliset në skenë

Koncertet e fundit të turneut “Sticky & Sweet” të Madonnës në Izrael, janë vënë në dyshim gjatë të shtunës, pasi ajo u molis gjatë paraqitjes së saj në një koncert.
Ylli ishte duke performuar në kryeqytetin bullgar, Sofje, kur ajo u largua nga skena në mes të performancës së saj. Pamjet treguan se ajo është mbajtur nga njëri prej valltarëve, i cili është siguruar se ajo është ok.

Por, 50-vjeçarja ka refuzuar të ndërpresë koncertin dhe ka vazhduar interpretimin e hitit “Holiday”, para se të largohet nga skena gjatë këngës “Spanish Lesson”, pasi është ndjerë keq sërish.

“Madonna vërtet shqetësoi prapaskenën. Ajo duhej të ulej për të bërë një pushim më të madh se zakonisht, në mes të këngëve. Por ajo refuzoi ta ndërpresë koncertin. Ajo vuante nga lodhja. Ajo është anemike”, ka thënë burimi për The Sun.

Pasi është kontrolluar nga mjekët, këngëtarja është këshilluar të anulojë dy koncertet e fundit në Izrael. Por ajo ka vendosur të marrë pushim, vetëm pasi t’i realizojë edhe koncertet e fundit, njëri prej të cilëve u zhvillua mbrëmë në Tel Aviv.