Vera më e suksesshme në box-office

Bosët e Hollywoodit i kanë bërë ballë krizës ekonomike për ta bërë verën e vitit 2009 më të suksesshmen në historinë e box-office, kjo me ndihmën e filmave, “Transformers” dhe “Harry Potter”.
Të ardhurat e verës në box-office aktualisht qëndrojnë në shifrën e 4.17 miliardë, krahasuar me 4.16 miliardë gjatë vitit të kaluar, dhe ekspertët presin që kjo të rritet edhe më tepër gjatë festës së Ditës së Punës në SHBA më 7 shtator.

Sipas Daily Variety, fitimet e filmave do të rriten për 3% krahasuar me ato të vitit 2008. Numri është arritur falë lëshimit të filmave të mëdha përfshirë edhe vazhdimet, “Transformers: Revenge of the Fallen” dhe “Harry Potter and the Half-Blood Prince”, të cilët fituan 399 milionë dollarë, respektivisht 294 milionë.

Nga filmat tjerë përfitues, po ashtu janë “Star Trek”, “The Proposal”, “X-Men Origins: Wolverine” dhe hiti befasues “The Hangover”.