Cruz synon rikthimin në Spanjë

Aktorja Penelope Cruz, synon rikthim në kinemanë spanjolle, kur të jetë shumë e vjetër për Hollywoodin, pasi krijuesit evropian të filmave janë më pak të varur nga mosha.
Ylli i filmit “Vicky Cristina Barcelona”, thotë se ajo dëshiron të plaket hijshëm dhe zotohet se dot ë qëndrojë larg ndërhyrjeve kozmetike.

“Shpresoj se do të jem në gjendje të punoj gjithë jetën, madje edhe kur të plakem. Është më lehtë ta bësh atë në Evropë se sa në Amerikë, pasi në Amerikë ësh më vështirë për aktoret e moshuara të gjejnë punë”, ka thënë Cruz.

“Por falënderoj Zotin që kemi njerëz në Spanjë si miku im Pedro Almodovar, i cili do të angazhoj edhe aktore të të gjitha moshave, dhe, nëse ai i pëlqen, ai do të vazhdojë t’i angazhojë deri në moshën 80-vjeçare. Është më e mirë se sa të jesh e obsesionuar me rininë”, ka shtuar aktorja.