Penn me të dashur të re?

Sean Penn ka harruar divorcin nga gruaja e tij Robin Wright Penn, pasi është parë duke shijuar një takim intim me një grua gjatë një udhëtimi në Britani.
Fituesi i çmimit Oskar dhe gruaja e tij aplikuan për divorc në muajin gusht, pasi dyshja ishin ribashkuar pas disa ndarjeve të mëhershme.

Ata për të parën herë filluan procedurat e divorcit në muajin dhjetor 2007, vetëm për t’i dhënë fund ndarjes katër muaj më vonë. Në prill, aktori sërish aplikoi për ndarje legale, vetëm disa ditë para se të kishin 13 vjetorin e martesës.

Ata mohuan ndarjen në muajin maj, por rifilluan sërish procesin muajin e kaluar. Tash, ylli i filmit “Mystic River” është i gatshëm për një romancë të re, pasi është parë duke shijuar një darkë romantike me një bukuroshe misterioze në Hotelin Soho në Londër.