Aguilera shkruan këngët në peceta

Ylli i muzikës pop, Christina Aguilera, po thuajse ka humbur një këngë të saj të re, pasi e ka shkruar tekstin në pecetë, e cila është marrë nga kamerierët.
Krijuesja e hitit “Candyman” është ndjerë e inspiruar të shkruajë këngë derisa kishte darkuar në një restorant italian në Los Angeles, por nuk ka mundur të gjejë letër dhe ka vendosur ta shkruajë tekstin në pecetë.

Kur Christina dhe burri i saj Jordan Bratman kanë përfunduar ushqimin, kamerieri i ka marrë dhe i ka gjuajtur mbetjet, dhe këngëtarja nuk e ka vërejtur se ai kishte pastruar edhe pecetën e saj.

Fatmirësisht, 28-vjeçarja e ka arritur kamerierin para se ai të gjuajë tekstin e këngës.