Macja mbijeton 26 ditë nën gërmadha

Një mace, kafshë shtëpiake e një gruaje nga shteti amerikan Ohio është gjetur e gjallë nën gërmadha, 26 ditë pas zjarrit në ndërtesën në të cilën jetonte.
Sandy LaPierre thotë se ka besuar që macja e saj njëvjeçare me emrin Smoka të ketë pësuar në zjarrin e 10 gushtit në Franklin, 48 kilometra në veri të Cincinnatit. Zjarri kishte shpërthyer në ndërtesën në të cilën gruaja po jetonte në katin e dytë.

Gjatë largimit të mbetjeve të ndërtesës me 4 shtator, punëtorët kanë parë macen Smoky në gërmadha. Ajo ishte dobësuar shumë dhe tani han shumë për të kompensuar humbjen, thotë pronarja e saj. Përveç vështirësive të vogla gjatë ecjes, mirë ndjehet, ka shtuar pronarja.