Performancat e Faton Maculës me yjet botërore

Në një intervistë për "Infopress", këngëtari Faton Macula ka treguar për performancat e përbashkëta me yjet e muzikës botërore të zhanrit pop dhe hip-hop. Disa prej yjeve që Fatoni ka bashkëpunuar janë Marc Anthony, Marry J. Blidge, Missy Elliot, Gladys Knight etj.
“Me Marc Anthonyn më pati ra rasti të bashkëpunoj pasi që drejtori muzikor i bendit të tij ka qenë në një xhaz-klub ku unë kam bërë muzikë. Ai më ka dëgjuar duke performuar, dhe më ka ofruar ofertë që të performoj në bendin e tij pa kurrfarë audicioni, siç ndodh rëndom”, thotë Fatoni, i cili ka qenë pesë muaj kitarist i këngëtarit të mirënjohur Marc Anthony.

“Përveç me Marc Anthonyn, ku kam performuar rreth pesë muaj, më pas kam pasur rastin të bashkëpunoj edhe me disa yje të popit dhe hip-hop skenës botore, siç janë: Missy Elliot, Faith Hill, Gladys Knight, Carl Thomas, Marry J. Blidge, Fantasia. Te Fantasia jam në albumin e saj të riun që titullohet ‘Two Weeks Notice’. Dhe te krejt këta jam pritur në nivelin më profesional të mundshëm”, shton kitaristi.