Madonna nderon Michael Jacksonin në VMA

Madonna ka befasuar në ndarjen e çmimeve 2009 MTV Video Music Awards të dielën mbrëma, duke e filluar shoun me një nderim për yllin e ndjerë të muzikës pop, Michael Jackson.
Këngëtarja, e veshur në të zeza, ngjiti skenën në Radio City Music Hall në New York për të marrë duartrokitjet dhe brohoritjet dhe për të treguar të gjitha gjërat që ajo ka përjetuar me Mbretin e Popit, përfshirë edhe faktin se që të dy ishin të lindur në gusht të vitit 1958 dhe kanë tetë vëllezër dhe motra.

Në mesin e shumë fjalëve, Madonna ka thënë se ajo është ndjerë sikur ajo dhe e gjithë bota e kanë ‘braktisur’ Michaelin, kur kishte dëgjuar se ai kishte vdekur, në muajin qershor.

“Dua ta përfundoj këtë mesazh pozitiv dhe të them se djemtë e mi, të moshës nëntë dhe katërvjeçare, janë të obsesionuar me Michael Jackson”, ka thënë në fund Madonna, duke dashur të potencojë se legjenda e muzikës kurrë nuk do të harrohet, as nga gjeneratat e reja.