Versioni i parë stabil për shkarkim i Google Chrome 3

Google ka lëshuar versionin e parë të shfletuesit të internetit Chrome 3 i cili vjen si versioni Chrome 3.0.195.21.
Siç thekson Google, ky version ekzekuton 150% më shpejtë Javascript-in nga versioni i parë eksperimental dhe 25% më shpejtë nga versioni i fundit stabil.

Risi tek versioni i ri i shfletuesit Chrome janë edhe mbështetja për standardin HTML5, mundësia e konfigurimit të faqes fillestare me anë të funksionin drag-and-drop, si dhe përcaktimi i temave, prandaj tani mund të kemi pamje unike të shfletuesit tonë Chrome.

Natyrisht janë marrë parasysh edhe shumë kërkesa të përdoruesve dhe janë rregulluar shumë lëshime të versionit të mëhershëm, prandaj nëse doni të shihni se çfarë na kanë përgatitur këta çunat nga Google, shkarkoni versionin e fundit nga lidhja e internetit më poshtë.

Google Chrome 3.0.195.2
http://www.google.com/chrome?hl=en-GB