Apple shkakton mungesë të memorieve në treg

Burime të shumta me këtë pjesë të industrisë kanë raportuar se në treg mungojnë çipet e memorieve flash NAND, e për këtë gjoja fajtori më i madh është kompania Apple.
Siç raporton portali teknologjik DigiTimes, prodhuesi kryesor tajvanez i çipeve të memorieve flash NAND shumicën e prodhimeve të veta i ka drejtuar kah kompania Apple, që si rrjedhojë sjell deri tek mungesa e këtyre moduleve të memories në treg.

Samsung Electronics serinë e radhës të memorieve NAND do ta paraqes në shitje vetëm në fund të këtij muaji, derisa Micron Technology gjithashtu nuk ka module në dispozicion, gjersa Toshiba e Hynix Semiconductor stoqet e tyre i kanë rezervuar për Apple.

Puna në këtë fushë definitivisht nuk do të ndryshojë në një afat të shkurtër kur merret parasysh që në muajt e ardhshëm pritet të paraqitet edhe telefoni i popullarizuar iPhone në tregun kinez, e kompania po ashtu e ka rritur kapacitetin e memorieve të playerit multimedial iPod Touch në 64 gigabajt