USB-memorie nga Apacer

Apacer ka paraqitur USB-memorien e emërtuar Handy Steno AH326. Dimensionet e kësaj ‘kutize’ të shndritshme janë 66 x 21 x 8.7 milimetra, ndërsa memoriet lidhen me anë të portës USB 2.0.
Për të mos e humbur fistonin konektorit të USB, prodhuesit kanë vendosur që këtij modeli t’i japin dizajnin e U-Ring, ashtu që të hapet me shtytje.

Kur të dalin në shitje, këto USB- memorie do të jenë në dispozicion nga 2, 4, 8 dhe 16 GB, me çmime respektive 8, 10, 18 dhe 29 dollarë (në tregjet amerikane).

Modeli me kapacitet 32 GB është paralajmëruar të prodhohet së shpejti, ndërsa të gjitha modelet e kësaj USB-memorie do të jen bardhezi.