Vartësia e Reynolds nga barnat

Burt Reynolds ka kërkuar ndihmë nga një klinikë rehabilituese në Florida për të shmangur vartësinë nga barnat kundër dhimbjes.
Aktori 73-vjeçar kishte kuptuar se është bërë i varur nga analgjetikët, prandaj ishte paraqitur në një klinikë në West Palm Beach për ta tejkaluar gjendjen e tij.

“Pas ndërhyrjes kirurgjike në shpinë Reynolds kishte ndjerë dhimbje të madhe, ndërsa më vonë kishte kuptuar se është bërë i varur nga analgjetikët. Ai u vendos në një qendër rehabilituese për ta rikthyer kontrollin mbi jetën e tij”, ka thënë menaxheri i aktorit duke treguar se tash aktori ka tejkaluar vartësinë nga barnat.