Makina e kërkimit Bing vazhdon me ngritje

Në muajin gusht makina e kërkimit Bing e Microsoftit ka shënuar rritje në tregun amerikan për 22.1% krahasuar me muajin maj të këtij viti.
Sipas të dhënave më të reja të kompanisë “Nielsen” për muajin gusht, Microsoft Bing ka qenë makina e kërkimit me ngritjen më të madhe në tregun amerikan.

Numri i përgjithshëm i kërkimeve në Bing gjatë muajit gusht ka arritur shifrën prej 1.1 miliard, që është 22.1% më shumë sesa në muajin maj, duke arritur që të bëj për vete 10.7% të tregut amerikan të makinave të kërkimit.

Google edhe më tutje udhëheq me pjesëmarrje prej 64.6%, respektivisht shtatë miliardë kërkime, që është 2.6 për qind më shumë sesa në muajin maj. Yahoo në të njëjtën kohë ka realizuar 4.2% rezultate më të dobëta me 1.7 miliardë kërkime, që i kanë mjaftuar për të marrë 16% të tregut.