Lako: Nuk jam fanatik i muzikës rok

Duke komentuar suksesin e albumit të ri, i cili ka dalë në treg qe një muaj, Bojken Lako thotë se nuk është i fiksuar vetëm pas muzikës rok, porse krijon edhe zhanre tjera muzikore.
“Unë nuk jam fanatik i muzikës rok dhe nuk krijoj vetëm këtë lloj muzike. Në këtë përmbledhje (në albumin e ri) ka një përzierje të shumë rrymave”, thotë këngëtari në një intervistë për “Shekulli”.

“Ka rok të pastër, të cilin e luaj me grupin tim (“The Fish”) në koncerte live, por edhe këngë të regjistruara që tregojnë tendenca drejt elektronikes, dance-it, motiveve popullore. Artisti është gjithmonë në proces kërkimi, të së resë, të rrymave ndryshe, pavarësisht se në çdo krijim muzikor ndihet vula e autorit”, shton Lako.