Përkundër suksesit të modelit Pre, Palm shënon humbje

Gjatë vitit të parë fiskal kompania amerikane Palm ka shitur diç më shumë se 800.000 telefona të mençur, mirëpo përkundër këtij fakti, shikuar në përgjithësi, afarizmi nuk po i ecën si është më së miri.
Në tremujorin e parë fiskal të vitit 2009, paraqitja e suksesshme e pajisjes Palm Pre ka sjellë rritje të shitjes së telefonave të mençur për madje 134 për qind, krahasuar me shifrat e një tremujori paraprak, mirëpo shitja globale e pajisjeve ka rënë për 80 për qind. Për më shumë, ky është tremujori i tetë me radhë në të cilët Palm po shënon humbje.

Sa u përket vet telefonave të mençur, Palm në tremujorin e parë fiskal i ka shitur 823.000 njësi, prej të cilave pjesën më të madhe e ka marrë pajisja Pre.

Shikuar nga pikëpamja financiare Palm në tremujor ka shënuar humbje prej 164.5 milionë dollarësh që megjithatë është më pak nga parashikimet e analistëve të tregjeve të cilët kompanisë i kishin parashikuar rezultate edhe më të këqija.

Palm që disa vite me rresht po lufton pasuksesshëm për pjesën e saj në treg dhe ajo është në rënie të vazhdueshme, e për këtë fajtorët më të mëdhenj janë iPhone nga Apple dhe Blackberry nga RIM.