Helm si ilaç efikas kundër leukemisë

Shkencëtarë kinezë arritën ta mposhtin leukeminë me terapi e cila kombinon helmin dhe derivatet e vitaminës A.

Një ekip i shkencëtarëve kinezë, të kryesuar nga ministri i tanishëm i Shëndetësisë i Kinës, Çen Xhu pas dy dekadash të punës hulumtuese erdhi deri te rezultatet inkurajuese duke kombinuar terapinë që përmban arsenik dhe acid retinok.

Profesori Çen, siç shkruan gazeta serbe "Veçernje novosti", lajmëroi se prej 85 pacientëve të sëmurë nga leukemia te të cilët është zbatuar kjo terapi 80 prej tyre janë shëruar.
Thelbi i terapisë është që qelizat e sëmura të shërohen dhe të vazhdojnë të zhvillohen, e jo të shkatërrohen edhe të shëndoshat, që ndodhë me hemoterapinë.

Derivati i vitaminës A nxitë pjekurinë e qelizave, ndërsa arseniku vepron kundër qelizave malinje.
Çen shprehet se stadiumi i sëmundjes nuk ka ndikim mbi efektin e shërimit, por shton se me analizën nuk janë përfshirë pacientë të shëruar me terapi tjetër, si dhe ata te të cilët shenjat e sëmundjes sërish janë paraqitur.
Terapia zbatohet në spitalin Rui Xhin në Fakultetin e Dytë Medicinal të Shangajit