BLEROn Teuta

Ata janë zënë në flagrancë të shtrënguar dorë për dore.

Këngëtari, Blero, është parë me moderatoren dhe aktoren kosovare, Teuta Krasniqi në një lagje të Prishtinës.

Këngëtari dhe aktorja janë parë të kapur për krahu në një vend shumë të frekuentuar në Prishtinë, saktësisht në parkingun e restorant "De Rada".

Teuta, deri vonë ka qenë e dashura e njërit prej anëtarëve të grupit “Kthjellu”, përderisa në një intervistë për Express Online kishte thënë se nuk është në lidhje me këngëtarin Blero edhe pse burime shumë të afërta me këngëtarin kishin thënë të kundërtën.

Ata ishin parë së bashku edhe në “Video-festin muzikor 08”, por Teuta prapë kishte mohuar lidhjen e saj me Bleron.

Blero njihet si mik i ngushtë i familjes Krasniqi.

Madje, zëdhënësi i Qeverisë se tanishme të Kosovës, Memli Krasniqi, kishte realizuar disa këngë me këngëtarin.

Një ndër to është edhe kënga “Kthehu ti” me të cilin Blero ishte bërë i njohur në Kosovë.