Cohen kollabon në skenë

Legjenda e muzikës, Leonard Cohen, është duke u shëruar pas rrëzimit të tij gjatë një koncerti në Valencia të Spanjës.
Kantautori kanadez i ka dhënë fund koncertit të tij, të premten, kur i ka rënë të fikët, teksa po këndonte hitin e tij “Bird on the Wire”.

Cohen, i cili sot i mbush 75 vjet, është dërguar në spitalin Nueve de Octubre të Valencias ku është mjekuar, ndërsa sipas një deklarate të lëshuar nga Doctor Music Concerts, këngëtari është lëshuar nga spitali të shtunën dhe aktualisht është duke u rikuperuar nga “problemet me bark”.