Kompani e cila ofron hakmarrje dhe alibi të gjitha llojeve

Adrienne Ferguson e Michelle Duke shpesh kapin fletushka për të turpëruar dikë në lagjen e tij apo në vend të punës. Ofrojnë edhe alibi për këto veprime.
Dy gra në Los Angeles kanë themeluar kompaninë "Alibis and Paybacks". Ato reklamojnë veten si "shërbimi i hakmarrjes së fundit ", e ofrojnë alibi dhe hakmarrje të gjitha llojeve.

Më së shpeshti ato angazhohen nga gratë e tradhtuara apo njerëzit të cilët i ka lënduar dikush, dhe dëshirojnë t’ua kthejnë atë. Ofrojnë edhe alibi për të gjitha rastet, përfshirë mungesën nga puna, tradhtinë bashkëshortore apo shkëputjen e ndonjë lidhjeje.

Tek kjo ide kanë ardhur kur Ferguson e ka humbur vendin e saj të punës. Familjarët dhe miqtë shpesh i kanë ftuar kur kanë dashur “t’ua punojnë dikujt” prandaj kanë vendosur që nga idetë e tyre të hapin një punë të re.

Një grua ka kërkuar që publikisht t’ia poshtërojnë burrin, prandaj gratë kanë kapur pllakate në të cilat e akuzojnë atë se shpenzon të gjitha paratë në striptize në vend të fëmijëve.

Çmimet sillen prej 35 deri në 250 dollarë, varësisht nga shërbimi. Deri më tani askush nuk i ka paditur.