Akuza të reja plagjiature për Coldplay

Andy Gallagher thotë se videoklipi i këngës "Strawberry Swing" nga grupi "Coldplay" është shumë i ngjashëm me videon e tij.
Gallagher ka akuzuar grupin britanik që ka kopjuar klipin e këngës së tij “Something Else”, të punuar një vit më parë.

Ai ka thënë se nuk është e drejtë që “Strawberry Swing” të konsiderohet si videoklip i mirë dhe të fitojë nominime të shumta duke qenë se ideja është vjedhur nga spoti i tij.

Kjo nuk është hera e parë që “Coldplay” akuzohet për plagjiaturë, kohë më parë grupi është akuzuar edhe nga Yusuf Islam dhe Joe Satriani për kopjimin e këngës “Viva La Vida”.