Slater i kënaqur që është 40-vjeçar

Aktori i filmit “He Was A Quiet Man”, Christian Slater, kurrë nuk ka menduar se do të arrijë moshën 40-vjeçare gjatë rinisë së tij, por tash thotë se është ‘mrekulli’ që ai ka arritur këtë.
“Sapo kam hyrë në të 40-tat, andaj çfarë mund të them më shumë? Mendoj se fakti që jam 40-vjeçar është mrekulli. Jam në një anë tjetër tash. Ndjehem sikur kam mbushur një mijë”, ka thënë aktori.

Aktori po ashtu ka thënë se gjatë kohëve të vështira të moshës rinore, përfshirë edhe arrestimin për posedim kriminal të armëve, ai ka menduar se do të jetë vështirë të arrijë këtë moshë.

Por aktori shton se kjo tashmë është e kaluar dhe se i ka ndihmuar të ecë më tej në jetë. “Nëse nuk do të isha një kohë jashtë kontrolli, nuk do të dija se si ta kontrolloj atë”, ka thënë Slater.