trashigimia kulturore

Nga të gjitha ndjenjat, e bukura është ajo që gjithmonë më së shumti ka tërhequr vëmëndjen e njeriut por njëherit e cila më së shumti e ka cytur njeriun që të krijoj për të arritur të përsosurën. Shembuj të kësaj nxitje dhe ngarendje drejt arritjes të së bukurës nga njerëzit ndër shekuj, janë të shumtë dhe ne vazhdojmë t’i gjejmë ato edhe sot pas mijëra vjetësh. Këto krijime janë të formave dhe përmasave të ndryshme nga ato më të vogla të karakterit personal e deri në objekte me përmasa gjigande si Taj Mahal në Indi, Luvri në Francë, Kulla e Eifelit në Francë, Muri Kinez në Kinë, Piramidat në Egjipt etj. Të gjitha këto objekte dhe krijime kur shihen sot nga kushdo në botë momentalisht krijojnë ndjenjën e mahnitjes dhe respektit për gjeniun krijues që njeriu mund të arrijë. Kjo është një shembull se si krijime që njëherë
e një kohë lindën dhe u krijuan si trille apo dëshira të personave të vacant, sot janë kthyer në objekte të trashëgimisë kulturore e cila ka tejkaluar kufijtë kombëtar për t’u kthyer në simbole të kulturës dhe krenarisë për të gjithë njerëzimin. Kështu këto objekte sot tërheqin me miliona vizitorë çdo vit duke u kthyer edhe në një burim të rëndësishëm të ardhurash për ato vende ku gjenden. Por arritja e këtij statusi kërkonte kohë, përkujdesje dhe mbrojtje me mjaft fanatizëm nga breza të tërë. Dhe ne që jetojmë sot jemi me fat që para nesh jetuan njerëz të tillë që pa marrë parasysh kushtet dhe vështirësitë me të cilat u përballën në ato kohë, i mbrojtën këto krijime dhe
mundësuan që edhe ne sot të mund të mahnitemi me këto vepra, himne të madhështisë njerëzore. Njëherit ata na obligojnë që ato që i trashëguam nga e kaluara t’i mbrojmë dhe t’ua kalojmë brezave të ardhshëm dhe kështu t’i kontribuojmë pasurimit të trashëgimisë kulturore botërore.
Pikërisht kjo është arsyeja pse në numrat e ardhshëm të revistës tonë ne do të nisim një seri artikujsh të cilët i kushtohen trashëgimisë kulturore por jo asaj që gjendet larg nesh në vende apo kontinente tjera. Përkundrazi, ne do të shkruajmë për objektet dhe trashëgiminë që gjendet afër nesh në qytetet tona të cilën shpesh kemi tendencën që ta anashkalojmë dhe ta lëmë pas dore. E ky është krimi më i madh që mund të kryejmë ndaj kësaj trashëgimie
tonë, të mos kujdesemi për të, mos ta mbrojmë dhe të mos e çmojmë vlerën e saj. Prandaj në numrat e ardhshëm ne ju premtojmë se do të vizitojmë radhazi komunat në Kosovë dhe do të mësojmë pak më shumë për trashëgiminë kulturore që gjendet në ato komuna dhe për atë që është duke u bërë si nga qytetarët ashtu edhe nga autritetet qeverisëse lokale si dhe ato qendrore për t’i mbrojtur dhe ruajtur ato. Andaj nëse jeni të interesuar të mësoni diçka më shumë për trashëgiminë në qytetin tuaj, ne ju ftojmë që të lexoni këtë rubrikë. Dhe mos harroni një gjë është e sigurtë, vetëm duke mësuar dhe njohur trashëgiminë kulturore që paraardhësit tanë kanë krijuar ne do të jemi në gjendje që të njohim vlerën e saj të vërtetë por njëherit dhe t’i japim vendin që e meriton kjo trashëgimi dhe kështu ta pasurojmë trashëgiminë kulturore botërore.

tarshegimia duhet mbrojtur me qdo kusht sepse ne kete menyre ne mbrojme historin ton te te parave tan

eeeeee po de

dikush as nuk e din fjalen trashegimi e jo me mbrojt gagagaagga

hehhehe po vallla

eee mi than qka osht met si statuj hahauhuahauha

hahahah mir e ki