TEKNOLOGJITË BASHKËKOHORE MË “COOL”

MEMORIE HOLOGRAFIKE
Në skenë është shfaqur një luftë për format në mes të partizanëve të Bluray disqeve (Sony, Samsung, Pioneer, Panasonic) dhe HD – DVD-ve (Toshiba, NEC). Secili prej tyre është duke u përpjekur që të sigurojë mbështetjen e studiove filmike për mjetin e tyre inçizues dhe me qartësi të lartë. Secili prej tyre duhet të sigurojë një hapësirë të mjaftueshme të memories për filmat me qartësi të lartë. “HD-DVD-të” duhet të ofrojnë gjer në 45 gigabajt memorie, dhe “Blu-ray-i” tani është duke marrë disqe që arrijnë kapacitetin gjer në 100 gigabajt. Por aty përvijohet edhe një platformë më e madhe: memoria holografike. Memoria tradicionale optike i formatizon të gjitha të dhënat e ruajtura në sipërfaqen e mjetit të inçizueshëm, duke përdorur valë sa më të shkurtra laserike për të lexuar pjesë vazhdimisht e më të vogla. Gjersa, disqet Holografike i ruajnë të dhënat në tri dimensione brenda një disku me madhësi të një DVD-je normale. Kompania japoneze “Optware” pohon se një ditë do të jetë e aftë të prodhojë disqe incizuese që mund të ruajnë të dhëna sa një terabajt, ekuvalent i 200 DVD-ve. Çka do të bëjnë njerëzit me aq shumë memorie? Vetëm Zoti e ti.

TELEVIZIONI ME TË CILIN MUND TË FLISNI
Ashtu si mund t’ju tregojë çdo adhurues i bejsbollit dhe futbollit, se nuk mund të arrish asgjë po t’i drejtohesh televizionit tuaj me fjalë (madje edhe t’i bërtasësh). Mirëpo studiuesit nga “IBM”, që punojnë me kompaninë norvegjeze për uebbrowser “Opera”, kanë krijuar një udhëzues programi elektronik me zë për ta përdorur në inçizues për hard-disqe, në kuti kabllovike dhe televizione që i lejon shikuesit të drejtojë përmbajtjen e televizionit e cila vazhdimisht është në rritje e sipër, duke biseduar me akorduesin e tyre. Surfimi në një botë të përbërë prej qindra programeve, si dhe nëpërmes multimedieve dhe videove sipas kërkesës, do t’i gjasonte surfingut të uebit, por në vend të një miu, shfrytëzuesit do të komunikonin me browser-at e tyre duke përdorur gjuhë normale. Fatkeqësisht, aq sa mundëm të kuptonim, asnjë mori e fjalëve nuk do të përmirësoj kualitetin e përmbajtjes.

MULTIMEDIA QË LËVIZ ME JU
Në vitin e fundit ose kështu disi, audio dhe video që ruhet në kompjuterë dhe në hard-disk inçizues ka gjetur mënyrën për tu larguar nga shtëpia duke u streamuar (transmetuar) përmes internetit. Sony tani më shet TV jo të fiksuara prej 12.1 inç dhe 7 inçëve, që transmetojnë televizionin (direkt dhe në memorie) nëpërmes Uebit, në mënyrë që të mund ta shikoni kudo në botë, aty ku ekziston lidhja Wi-Fi . Një kompani e quajtur “Sling Media” së shpejti do të shet “the Slingbox Personal Broadcaster”, që do të transmetojë çfarëdo përmbajtje të medieve nga shtëpia juaj, në çfarëdo pajisje të Microsoft Windows Media Player 9 (llaptop dhe celularë) dhe me një lidhje interneti. Mirëpo “Motorola” aktualisht është duke punuar në mjetin më të rëndësishëm të multimediave të mbajtshme (portative) – transferimi i padukshëm i muzikës dhe filmave nga një pajisje në tjetrin. Kompania kohëve të fundit ka demonstruar teknologjinë e saj Liquid Media, e cila përdor një etiketë për identifikimin e radio frekuencave, për të detektuar se ku ndodhet dëgjuesi dhe e lejon muzikën e tij ta përcjellë atë duke e bartur këngën nga njëra pajisje në tjetrën, pa kapërcyer ndonjë tingull.

PAJISJE PËR SHTYP
Besoni ose jo, tani më ekzistojnë printerë tredimensional. Duke përdorur një proces të njohur si litografi stereofonike, kompanitë si “Z Corporation” dhe “Objet Geometries” shesin printerë që krijojnë 3-D modele duke vënë dhe forcuar secilën shtresë të “smart” polimerëve. Makinat industriale kushtojnë qindra mijëra dollarë. Sidoqoftë, gjithashtu ekziston një version i desktopit me çmim më të volitshëm. Kompania japoneze ”Autostrade” prodhon një makinë 25.000 dollarëshe të quajtur E-Darts Solid Printer që duket si një përzierje e mikrovalës dhe makinës për gatimin e bukës. Studiuesit në Berkeley shtjelluan këtë ide pak më shumë, duke propozuar një makinë që integron shtypjen e qarqeve në proces, me mundësi për të krijuar një aparat elektronik të formuar plotësisht (p.sh. një telekomandë, një poç elektrik) me të gjitha funksionet e përfshira përnjëherë. Mund të duket se një makinë e tillë mund t’i lë punëtorët e këtij profesioni pa punë, mirëpo punëtorët e fabrikës nuk kanë nevojë të brengosen. Printerët aktual 3-D marrin orë të tëra për të krijuar një objekt të vetëm dhe bota e tretë e punës (njerëzit) akoma është më e lirë se sa litografia stereofonike.