Sëmundjet e fëmijëve: nevojitet pushim i mirë dhe ajrosje

Supa e pulës, çaji dhe limonada do të pastrojnë mushkëritë, do të lehtësojnë frymëmarrjen dhe do ta ngopin organizmin me vitaminë C.

Bakteret dhe viruset, të cilat mbretërojnë në shkolla dhe çerdhe fëmijësh, janë një “Mekë” për ftohje, grip, infeksion të fytit, veshit dhe syrit. Në kurimin e ftohjes, simptomat e të cilit janë rrjedhja e hundës, fyti i ndezur, temperatura e lartë dhe kolla do të ndihmojnë lëngjet. Supa e pulës, çaji dhe limonada do të pastrojnë mushkëritë, do të lehtësojnë frymëmarrjen dhe do ta ngopin organizmin me vitaminë C. Në mënyrë që të mbroheni më mirë nga sëmundjet, trupi nuk duhet të vihet nën presion, kështu që fëmija më mirë është të rri i shtrirë. Me ajrosje të hapësirës do të dëboni bakteret dhe viruset, ndërsa kualitetin e ajrit do ta përmirësojë edhe freskuesi i ajrit. Antipiretikët, ilaçet për uljen e temperaturës, fëmijëve duhet t’u jepen nëse temperatura është më e lartë se 38.5 gradë, ndërsa ibrufeni dhe acetaminofeni do të ndihmojnë kundër dhimbjeve. Para dhënies së ilaçeve fëmijëve, duhet të konsultoheni me mjekun dhe të lexoni udhëzimet me vëmendje. Në rast të gripit të lukthit, simptomat e të cilit janë vjellja dhe barkëqitja, është e rëndësishme të konsumohen shumë lëngje, për të penguar dehidrimin dhe për të përmirësuar sasinë e mineraleve dhe kripës. Derisa zgjat sëmundja duhet ngrënë tost, shkopinj të njelmët, oriz, banane dhe patate.

>>> Konjunktiviti virusal kalon vetvetiu brenda disa ditëve, por është shumë infektues. Ai kurohet me antibiotikë.

>>> Tek ndezja e veshit do të ndihmojë një mbulesë e lagur dhe e ngrohtë, e cila vendoset në vesh, ndërsa mjeku do të përshkruajë ilaçe nëse ndezja është bakteriale.

>>> Nëse fyti është i ndezur më shumë se një javë, apo dhemb shumë, duhet shkuar tek mjeku. Do të ndihmojë limoni dhe mjalti në ujë të ngrohtë