Nënat që punojnë i kanë fëmijët më pak të shëndetshëm

Fëmijët e nënave të cilat punojnë janë më pak të shëndetshëm se fëmijët e nënave të cilat qëndrojnë në shtëpi dhe kujdesen për ta, bëjnë të ditur disa studime angleze.
Po thuajse dy nga tre nëna me fëmijë nën moshën pesë-vjeçare punojnë në Britani, me këtë numër që pritet të rritet, por hulumtimet kanë treguar se kjo ndikon në shëndetin e fëmijëve.

Në studimin e fundit, hulumtuesit kanë gjetur se fëmijët, nënat e të cilëve punojnë, janë më të prirë të kalojnë kohën në parashkollore, të shikojnë më shumë se ç’duhet televizor, dhe të konsumojnë më shumë pije të gazuara në mes të ushqimeve, që ndikon në shtimin e mbipeshës së tyre, që në anën tjetër sjell pasoja shtesë.

Fëmijët e nënave që punojnë po ashtu konsumojnë më pak pemë dhe perime, thonë studiuesit.