TomTom për iPhone në tetor

Kompania TomTom në muajin tetor fillon me shitjen e shtojcave për navigim në automjet me anë të celularit iPhone dhe aplikacionet përkatëse.
Kompania holandeze TomTom ka publikuar informatat mbi çmimin dhe datën e shitjes së kompletit “TomTom Car kit for iPhone”. Shtojca për navigim në shitje del në tetor, derisa do të shitet ndaras nga aplikacioni i kompanisë për iPhone.

Çmimi i rekomanduar në Evropë është 100 euro, por kompania ende nuk i ka publikuar detajet teknike për vet pajisjen. Megjithatë, flitet për funksionalitetin e integruar Bluetooth handsfree dhe chipsetin e veçantë GPS, i cili do të duhej të përmirësonte pranimin dhe saktësinë e pozicionimit, si dhe të mundësoj navigacionin në pajisjet të cilat nuk kanë GPS të integruar.

Pajisja posedon edhe konektor për mbushje të iPhone gjatë vozitjes dhe dalje audio. Shtojca do të jetë kompatibile me të gjithat modelet e iPhone (2G, 3G e 3GS), por jo edhe me iPod Touch.